టీజర్‌ తోనే హైప్ క్రియేట్ చేసిన కాంత టీజర్ వైరల్..

మలయాళ స్టార్ హీరో దుల్కర్ సల్మాన్(Dulquer Salmaan) తాజాగా మరో విభిన్నమైన కథా నేపథ్యంతో ప్రేక్షకుల ముందుకు రానున్నారు. వరుస విజయాలతో దూసుకుపోతున్న ఆయన ప్రధాన పాత్రలో నటిస్తున్న తాజా చిత్రం కాంత (Kaantha). ఈ సినిమా టీజర్‌ను విడుదల చేశారు మేకర్స్. ఈ టీజర్‌కు సెన్సార్ బోర్డు గ్రీన్ సిగ్నల్ ఇచ్చింది. టీజర్ రిలీజ్(Kaantha Teaser) అయిన వెంటనే ప్రేక్షకుల్లో ఆసక్తిని రేపుతోంది.

ఈ చిత్రం ప్రత్యేకత ఏమిటంటే, ఇది ఒక సాధారణ బయోపిక్ కాదు… ఒక దృశ్య కావ్యం లాంటిదని చెప్పవచ్చు. 1950ల మద్రాసు నగరంలోని సినీ ప్రపంచాన్ని, ఆ కాలంలో సినిమా రంగం ఎలా ఉండేది, గ్లామర్, సంగీతం, నటనా విలాసాలు ఎలా ఉండేవి అన్నదాన్ని అద్భుతంగా ఆవిష్కరించింది.

ఈ చిత్రానికి దర్శకత్వం వహించిన సెల్వమణి సెల్వరాజ్ గతంలో నెట్‌ఫ్లిక్స్ డాక్యుమెంటరీ ది హంట్ ఫర్ వీరప్పన్ (The Hunt for Veerappan) ద్వారా గుర్తింపు పొందారు. ఇప్పుడు కాంతతో ఆయన దర్శకుడిగా ఫీచర్ ఫిల్మ్ రంగంలోకి అడుగుపెడుతున్నారు. టీజర్ చూస్తే ఆయన దృష్టిలో ప్రతి ఫ్రేమ్‌కి ఒక ఉద్దేశం ఉందని స్పష్టమవుతుంది.

రానా దగ్గుబాటి(Rana Daggupati) స్పిరిట్ మీడియా, దుల్కర్ సల్మాన్ వేఫరర్ ఫిల్మ్స్ సంయుక్తంగా నిర్మిస్తున్న ఈ చిత్రంలో భాగ్యశ్రీ బోర్సే(Bagyashri Borse), సముద్రఖని(Samuthirakani) కీలక పాత్రలు పోషిస్తున్నారు. ఇప్పటివరకు రిలీజ్ డేట్ ప్రకటించకపోయినా, టీజర్‌కి వస్తున్న స్పందన చూస్తే కాంత సినిమాపై అంచనాలు ఆకాశాన్ని తాకుతున్నాయి. లక్కీ భాస్కర్ విజయానంతరం దుల్కర్‌కు ఇది మరో కెరీర్ టర్నింగ్ పాయింట్ అవుతుందన్నది అభిమానుల నమ్మకం.