admin
ఆంధ్రప్రదేశ్‌లో లిక్క్‌ స్కామ్ కేసు (AP Liquor Scam Case)లో రోజుకో కీలక మలుపు చోటుచేసుకుంటుంది. సంచలనం రేపిన ఈ కేసులో ఇప్పటికే మాజీ ఎంపీ విజయసాయి రెడ్డి సిట్ విచారణ (SIT Inquiry) ఎదుర్కొని కీలక సమాచారాన్ని అధికారులు అందించారు. ఇక విజయసాయి రెడ్డి చెప్పిన వివరాల సాయంతో సిట్ .. ఈ కేసులో కీలకంగా భావిస్తోన్న రాజ్ కసిరెడ్డిని సోమవారం రోజు హైదరాబాద్‌లోని శంషాబాద్‌ ఎయిర్‌పోర్ట్‌లో అరెస్టు చేసింది.
ఏపీ లిక్కర్ స్కామ్ లో నా పాత్ర విజిల్ బ్లోయర్. తప్పించుకునేందుకే దొరికిన దొంగలు, దొరకని దొంగలు నా పేరుని లాగుతున్నారు. ఏ రూపాయి నేను ముట్టలేదు. లిక్కర్ దొంగల బట్టలు సగమే విప్పారు. వారి మిగతా బట్టలు విప్పేందుకు నేను పూర్తిగా సహకరిస్తాను.
— Vijayasai Reddy V (@VSReddy_MP) April 22, 2025
నేను పూర్తిగా సహకరిస్తా
మరోవైపు లిక్కర్ స్కామ్ కేసుపై విజయసాయి రెడ్డి (Vijayasai Reddy Tweet) మరోసారి ఎక్స్ వేదికగా ట్వీట్ చేశారు. ఈ సందర్భంగా ఆయన ఈ కుంభకోణంపై సంచలన వ్యాఖ్యలు చేశారు. ”ఏపీ లిక్కర్ స్కామ్‌లో నా పాత్ర విజిల్ బ్లోయర్ మాత్రమే. తప్పించుకునేందుకే దొరికిన దొంగలు, దొరకని దొంగలు కూడా నా పేరు లాగుతున్నారు. ఏ రూపాయి నేను ముట్టలేదు. లిక్కర్ దొంగల బట్టలు సగమే విప్పారు. వారి మిగతా బట్టలు విప్పేందుకు నేను పూర్తిగా సహకరిస్తాను.” అంటూ విజయసాయి రెడ్డి ట్వీట్ చేశారు.
విజయసాయి రెడ్డి Vs రాజ్ కసిరెడ్డి
సిట్ విచారణ తర్వాత ఈ వ్యవహారంలో కీలక వ్యక్తి రాజ్ కసిరెడ్డే (Raj Kasireddy) నంటూ విజయసాయి రెడ్డి వ్యాఖ్యానించిన విషయం తెలిసిందే. మరోవైపు రాజ్ కసిరెడ్డి ఇటీవల విడుదల చేసిన ఆడియోలో విజయసాయి రెడ్డిపై మండిపడ్డారు. లిక్కర్ కేసు వ్యవహారం తేలిన తర్వాత.. విజయసాయి రెడ్డి బాగోతం బయటపెడతానంటూ ఆయన వ్యాఖ్యానించారు. రాజ్ కసిరెడ్డి ఆడియో రిలీజ్ చేసిన కొన్ని గంటల తర్వాత సాయిరెడ్డి ట్వీట్ చేయడం గమనార్హం.
Desk
swarna boddula
