గుడ్ న్యూస్.. రూ.వేయి తగ్గిన బంగారం ధర.. ఇవాళ్టి రేట్లు ఎంతంటే?

అమెరికా అధ్యక్షుడు డొనాల్డ్ ట్రంప్ (Donald Trump) టారిఫ్ ల విధింపుతో ప్రపంచ మార్కెట్లు ఒక్కసారిగా కుదేలయ్యాయి. ఇక మదుపర్లంతా బంగారమే సేఫ్ అని భావించి భారీగా కొనుగోళ్లు ప్రారంభించారు. దీంతో గోల్డ్ రేట్లు ఆకాశాన్నంటాయి. ఏకంగా 10 గ్రాముల పసిడి ధర రూ.94,000 వరకు చేరింది. మరికొన్ని రోజుల్లో లక్ష రూపాయల వరకు చేరనున్నట్లు నిపుణులు అంచనా వేశారు. అయితే తాజాగా గోల్డ్ ధర ఒక్కసారిగా వేయి రూపాయలకు పైగా తగ్గింది.

తగ్గిన గోల్డ్ రేట్లు

ఇక భారతదేశంలో బంగారానికి (Gold Rates Today) భారీ డిమాండ్ ఉంటుంది. కొంత కాలంగా బంగారం రేట్లు భారీగా పెరుగుతూ వినియోగదారులను హడలెత్తిస్తున్నాయి. సామాన్యులు కొనుగోలు లేని స్థితికి గోల్డ్ రేట్లు చేరుకున్నాయి. ఇప్పటికే పసిడి ధరలు పెరుగుతూ ఆల్ టైమ్ గరిష్ఠాన్ని తాకింది. దీంతో వినియోగదారులు బంగారు ఆభరణాలు కొనాలంటేనే వణికిపోతున్నారు.

వెండి ధరలు  ఇలా

24 క్యారెట్ల బంగారం 10 గ్రాముల ధర గురువారం రోజున రూ.93380 ఉండగా.. శుక్రవారం నాటికి రూ.1,740 తగ్గి రూ.91,640కి చేరింది. 22 క్యారెట్ల గోల్డ్ తులం రేటు గురువారం నాడు రూ.85,600 ఉండగా శుక్రవారం రోజుకు రూ.1,600 తగ్గి రూ.84,000 వద్ద పలుకుతోంది. మరోవైపు వెండి ధరలు (Silver Price Today) కూడా భారీగా పెరిగాయి. హైదరాబాద్ మార్కెట్లో కిలో వెండిపై రూ. 2000 తగ్గి..  రూ. 1,12,000 వద్దకు దిగివచ్చింది.