swarna boddula
ప్రధాన మంత్రి జన్ ధన్ యోజన (PMJDY) పథకం అమలులోకి వచ్చి 10 సంవత్సరాలు పూర్తయ్యాయి. ఈ సందర్భంలో ఆర్బీఐ గవర్నర్ సంజయ్ మల్హోత్రా ఒక ముఖ్య ప్రకటన చేశారు. దేశవ్యాప్తంగా ఇంకా అనేక జన్ ధన్ అకౌంట్లు KYC (Know Your Customer) పూర్తి చేయలేదని ఆయన తెలిపారు. కాబట్టి, కేవైసీ చేయని అకౌంట్ హోల్డర్లు వీలైనంత త్వరగా రీ-KYC పూర్తి చేయాలని సూచించారు.
గవర్నర్ హెచ్చరిక ప్రకారం, రీ-KYC చేయకపోతే అకౌంట్లు క్లోజ్ అయ్యే అవకాశం ఉంది. చాలా మంది రీ-KYC అవసరం గురించి తెలియకపోవడం వల్ల అది చేయలేదని తెలిపారు. కేవైసీ ప్రక్రియను సులభతరం చేయడానికి, ప్రభుత్వ రంగ బ్యాంకులు పంచాయతీ స్థాయిలో ప్రత్యేక క్యాంపులు ఏర్పాటు చేయాలని ఆదేశించారని చెప్పారు. ఈ క్యాంపులు జూలై 1 నుంచి సెప్టెంబర్ 30 వరకు కొనసాగుతాయి. ఇవి కేవలం KYC కోసం మాత్రమే కాకుండా, ఇన్సూరెన్స్ బెనిఫిట్స్, పెన్షన్ పథకాలపై ప్రజల్లో అవగాహన కల్పిస్తాయని చెప్పారు.
రీ-KYC అంటే ఏమిటి?
KYC అంటే Know Your Customer. బ్యాంకులు లేదా ఆర్థిక సంస్థలు కస్టమర్ వ్యక్తిగత వివరాలు, చిరునామా వంటి సమాచారం అప్డేట్ చేసుకోవడం. మీరు అడ్రస్ మార్చినా, ఇతర వివరాల్లో మార్పులు వచ్చినా వాటిని బ్యాంకులో నమోదు చేయాలి.
జన్ ధన్ అకౌంట్ ముఖ్య వివరాలు
పథకం ప్రారంభం: 2014 ఆగస్టు – ప్రధాని నరేంద్ర మోదీ
లక్ష్యం: ప్రతి కుటుంబంలో కనీసం ఒకరికి బ్యాంక్ ఖాతా
ఖాతా రకం: జీరో బ్యాలెన్స్ సేవింగ్స్ అకౌంట్
ప్రయోజనాలు:
కనీస బ్యాలెన్స్ అవసరం లేదు
రూ.10,000 వరకు ఓవర్‌డ్రాఫ్ట్ సౌకర్యం
డిపాజిట్లపై వడ్డీ
రూపే డెబిట్ కార్డు
రూ.2 లక్షల ప్రమాద బీమా + రూ.30 వేల అదనపు బీమా
అకౌంట్ హోల్డర్ మరణిస్తే, బీమా మొత్తం కుటుంబానికి లభిస్తుంది
జన్ ధన్ అకౌంట్ కలిగిన వారు రీ-KYCను సమయానికి పూర్తి చేస్తే, ఈ ప్రయోజనాలు నిరంతరంగా పొందవచ్చు.
Desk
