adminManaEnadu: పవర్ స్టార్ పవన్ కల్యాణ్ (Pawan Kalyan) ఏపీ డిప్యూటీ సీఎంగా బిజీబిజీగా గడుపుతున్నారు. ప్రస్తుతం ఆయన టైం అంతా ప్రజా సేవకే. రాజకీయాల్లో ఫుల్ బిజీగా ఉన్న పవన్ కల్యాణ్ ఇప్పట్లో తన సినిమాలకు సమయం ఇచ్చేలా లేరు. ప్రస్తుతం పవన్ కల్యాణ్ చేతిలో హరిహరవీరమల్లు, ఓజీ, ఉస్తాద్ భగత్ సింగ్ సినిమాలు ఉన్నాయి. ఈ సినిమాల అప్డేట్స్ కోసం పవర్ స్టార్ ఫ్యాన్స్ వేయి కళ్లతో ఎదురుచూస్తున్నారు.
పవర్ స్టార్ ఫ్యాన్స్ కు గుడ్ న్యూస్
ప్రతి పండుగకు, ఆ సినిమాలకు సంబంధించిన నటులు, టెక్నీషియన్స్ బర్త్డేలకు ఆశగా అప్డేట్ కోసం ఎదురుచూసి చివరకు నిరాశ చెందుతున్నారు. అయితే పవన్ కల్యాణ్ ఫ్యాన్స్కు తాజాగా ‘హరిహర వీరమల్లు (Hari Hara Veera Mallu)’ మూవీ మేకర్స్ ఓ పవర్ ఫుల్ అప్డేట్ ఇచ్చారు. ఈ సినిమా రిలీజ్ డేట్ను అనౌన్స్ చేసి ఫ్యాన్స్కు సర్ ప్రైజ్ ఇచ్చారు. ఈ మూవీ వచ్చే ఏడాది మార్చి 28వ తేదీన ప్రపంచవ్యాప్తంగా విడుదల కానున్నట్లు సినిమా నిర్మాత ఏఎం రత్నం తెలిపారు.
ఇది కలా నిజమా?
“అన్స్టాపబుల్ ఫోర్స్, అన్బ్రేకబుల్ స్పిరిట్ మార్చి 28వ తేదీన మీ సమీప థియేటర్లలోకి గ్రాండ్గా ఎంట్రీ ఇవ్వనుంది.” అంటూ ఓ స్పెషల్ పోస్టర్ ద్వారా హరిహరవీరమల్లు రిలీజ్ డేట్ను అనౌన్స్ చేశారు. ఈ అప్డేట్తో పవర్ స్టార్ ఫ్యాన్స్ ఫుల్ ఖుష్ అవుతున్నారు. ఎన్నాళ్లకూ తమ హీరో సినిమా నుంచి అప్డేట్ వచ్చిందంటూ సంబుర పడుతున్నారు. ఇది కలా నిజమా అంటూ నమ్మలేకపోతున్నారు.
బందిపోటుగా పవన్ కల్యాణ్
ఇక హరిహరవీరమల్లు సినిమా సంగతికి వస్తే 17వ శతాబ్దం నేపథ్యంలో సాగే కథతో ఈ చిత్రాన్ని దర్శకుడు క్రిష్ (Director Krish) తెరకెక్కిస్తున్నారు. మొఘలుల కాలం నాటి చారిత్రక నేపథ్యం (Hari Hara Veera Mallu Story)లో రూపొందిస్తున్నారు. ఇందులో పవన్ కల్యాణ్ ఓ వీరోచిత బందిపోటుగా కనిపించనున్నారట. ఇప్పటికే విడుదలైన ఆయన లుక్స్ కూడా ఫ్యాన్స్ను బాగా ఆకట్టుకున్నాయి. యంగ్ బ్యూటీ నిధి అగర్వాల్ (Nidhi Agarwal) ఈ సినిమాలో హీరోయిన్గా నటిస్తోంది. బాలీవుడ్ స్టార్ యాక్టర్, యానిమల్ ఫేమ్ బాబీ దేవోల్ సినిమాలో కీలక పాత్రలో నటిస్తున్నారు. కీరవాణి స్వరాలు సమకూరుస్తున్నారు.
“UNSTOPPABLE FORCE, UNBREAKABLE SPIRIT” Storming into cinemas near you on March 28th, 2025!
The Warrior Outlaw ~ Powerstar @PawanKalyan garu Joins the Shoot! ⚔️#HariHaraVeeraMallu Shoot Resumed Today at 7 AM in a set erected at Vijayawada. pic.twitter.com/ioucPODQCz
— AM Rathnam (@AMRathnamOfl) September 23, 2024
Desk
swarna boddula
