admin
బాలీవుడ్ స్టార్ హీరో హృతిక్ రోషన్ (Hrithik Roshan), పాన్ ఇండియా హీరో ఎన్టీఆర్ (NTR) ప్రధాన పాత్రల్లో వస్తున్న సినిమా వార్-2 (WAR 2). ఈ చిత్రంతో తారక్ బాలీవుడ్ ఎంట్రీ ఇస్తున్నారు. అయాన్ ముఖర్జీ (ayan mukherjee) దర్శకత్వంలో స్పై థ్రిల్లర్ గా వస్తున్న ఈ మూవీ కోసం ఇటు హిందీ ఆడియెన్స్, అటు తెలుగు ప్రేక్షకులు చాలా ఆసక్తిగా ఎదురుచూస్తున్నారు. ఈ చిత్రం నుంచి అప్డేట్స్ కోసం కళ్లు కాయలు కాసేలా చూస్తున్నారు. అయితే తాజాగా ఈ మూవీకి సంబంధించి ఓ వార్త నెట్టింట వైరల్ అవుతోంది.
వార్-2లో ఎన్టీఆర్-హృతిక్ సాంగ్
ఆర్ఆర్ఆర్ (RRR) చిత్రంలో ఎన్టీఆర్, రామ్ చరణ్ (Ram Charan) మధ్య వచ్చిన నాటు నాటు సాంగ్ కు ఆస్కార్ అవార్డు కూడా వచ్చిన విషయం తెలిసిందే. ఇక ఈ పాట ఎంత ఫేమస్ అయిందో.. ఇందులో ఈ ఇద్దరు హీరోల డ్యాన్స్ ఎంత పాపులర్ అయిందో అందరికీ తెలిసిందే. ఇప్పుడు వార్-2 సినిమాలో కూడా ఇలాంటి ఓ పాటను ప్లాన్ చేస్తున్నాడ డైరెక్టర్ అయాన్. హృతిక్ డ్యాన్స్ కు పేరు పెట్టనక్కర్లేదు. ఇక ఎన్టీఆర్ డ్యాన్స్ ను మ్యాచ్ చేసే స్టామినా ఉన్న హీరోలు ఇప్పటి వరకు కనిపించలేదు.
హృతిక్ కు గాయం
ఇక ఈ ఇద్దరు కలిసి స్టెప్పేస్టే థియేటర్లో విజిల్సే విజిల్స్. వార్-2 సినిమా సినిమాలో ఎన్టీఆర్-హృతిక్ (NTR Krithik Song) ల మధ్య ఓ హుషారైన పాటను అయాన్ ప్లాన్ చేశాడట. అందుకోసం ఈ ఇద్దరు హీరోలు రిహార్సల్స్ కూడా షురూ చేశారట. అయితే ఈ రిహార్సల్స్ సమయంలో హృతిక్ కు గాయాలైనట్లు తెలిసింది. ప్రస్తుతం ఆయన చికిత్స తీసుకుంటున్నారట. నెల రోజుల పాటు రెస్ట్ తీసుకోవాలని డాక్టర్లు సూచించారట. దీంతో ఈ సినిమా వాయిదా పడే అవకాశం ఉన్నట్లు బాలీవుడ్ మీడియాలో ప్రచారం జరుగుతోంది.
500 మంది డ్యాన్సర్లు
బాలీవుడ్ ప్రముఖ ఫిల్మ్ బ్యానర్ యశ్రాజ్ ఫిల్మ్స్ ‘వార్ 2’ను నిర్మిస్తోంది. ముంబయిలోని యశ్రాజ్ స్టూడియోస్లో రూపొందించిన భారీ సెట్లో ఓ పాట షూటింగ్ జరుగుతున్నట్లు తెలిసింది. ఇక ఎన్టీఆర్-హృతిక్ పాటలో దాదాపు 500 మంది డ్యాన్సర్లు పాల్గొంటున్నారని టాక్. బాస్కో మార్టిస్ దీనికి కొరియోగ్రాఫర్గా పని చేస్తున్నారు.
swarna boddula
Desk
