Desk
బ్యాంకు ఏటీఎం(ATM) వినియోగదారులకు RBI షాక్ ఇచ్చింది. ఈ మేరకు రిజర్వు బ్యాంకు ఆఫ్ ఇండియా తీసుకొచ్చిన ఆర్థిక అంశాలలో నేటి నుంచి పలు కీలక మార్పులు చోటు చేసుకోనున్నాయి. అందులో ప్రధానంగా ఏటీఎం క్యాష్ విత్ డ్రా ఛార్జీల(Cash Withdraw Charges) పెంపు. ఈరోజు (మే 1) నుంచి బ్యాంకుల్లో ఏటీఎం ట్రాన్సాక్షన్స్(Transactions) ఛార్జీలు పెరిగాయి. దీంతో మనం ఫ్రీగా అదనపు ట్రాన్సాక్షన్స్ చేయకుండా జాగ్రత్తగా ఉండాలి. చేశామంటే జేబుకు చిల్లు పడినట్లే.
ఏటీఎం ఇంటర్ చేంజ్ ఛార్జీలూ..
మే 1 నుంచి ఏటీఎం ఇంటర్ చేంజ్ ఛార్జీలు(ATM interchange charges) పెంచుకునేందుకు రిజర్వ్ బ్యాంక్ ఆఫ్ ఇండియా (RBI) ఆమోదం తెలిపింది. వేరే బ్యాంక్ ఏటీఎం ఉపయోగించినప్పుడు రెండు బ్యాంకుల మధ్య ఈ ఛార్జీలు ఉంటాయి. అలాగే ఉచిత ట్రాన్సాక్షన్ లిమిట్ దాటితే ఏటీఎం విత్ డ్రా(Withdraw) ఛార్జీలు రూ.21 నుంచి రూ. 23కు పెంచారు. మెట్రో నగరాల్లో 3, నాన్ మెట్రో ప్రాంతాల్లో 5 ఉచిత ఏటీఎం లావాదేవీలు ఉంటాయి.
అందుకోసమే ఈ అదనపు బాదుడు
“ఉచిత లావాదేవీల( free transactions)కు మించి, ఒక కస్టమర్‌కు ప్రతి లావాదేవీకి గరిష్ఠంగా రూ.23 రుసుము వసూలు చేయవచ్చు. ఇది 2025 మే 1 నుంచి అమలులోకి వస్తుంది” అని RBI ప్ర‌క‌టించింది. దీంతో ఇవాళ్టి నుంచి ఏటీఎం ట్రాన్సాక్షన్స్ ఛార్జీలు పెంచుతున్నట్లు వెల్లడించింది. ఎందుకంటే ఏటీఎం నిర్వహణ ఖర్చులు పెరగడం, సెక్యూరిటీ(Security) కోసం ఖర్చులు ఎక్కువగా అయ్యాయని చెబుతోంది. ఇప్పటివరకూ ఉచిత ట్రాన్సాక్షన్లకు మించి మనీ విత్‌డ్రా చేస్తే, దానికి రూ.21 తీసుకునేవారు. మే 1 నుంచి.. రూ.23 తీసుకుంటారు. దీనికి మళ్లీ అదనంగా టాక్స్ కూడా ఉంటుంది.
swarna boddula
admin
