admin
బడ్జెట్(Budget) మన ఖర్చులను తగ్గిస్తే.. సేవింగ్స్(Svings) మన భవిష్యత్తు(Future)కు బంగారు బాటలు వేస్తుంది. అందుకే సేవింగ్స్ చాలా అవసరం. కరెంట్ బిల్లు(Electicity Bill), వాటర్ బిల్లు, అద్దె.. వీటి లాగే సేవింగ్స్‌ను కూడా బిల్లులాగే పరిగణించాలి. కొంత డబ్బును పక్కకు పెట్టుకోవాలి. మనం లోన్(Loan) తీసుకున్నప్పుడు EMIని గడువు లోపు చెల్లిస్తాం. పొదుపునూ EMIలా భావించి డబ్బు దాచుకోవాలి. ఖర్చులన్నీ పోగా మిగిలిన డబ్బును సేవ్ చేద్దాం అనే ధోరణి ఉంటే.. రూపాయి కూడ పొదుపు చేయలేరు. అలాగే మీ పొదుపు(Savings)నకు ఓ నిర్దిష్ట లక్ష్యం కూడా ఉండాలి. లేకపోతే పొదుపు నిర్లక్ష్యానికి గురయ్యే అవకాశాలు ఉంటాయి. పొదుపును మధ్యలో ఆపేసే ప్రమాదం కూడా ఉంటుంది. పిల్లల చదువు కోసం, పెళ్లిళ్ల కోసం, కారు కొనడం, గృహ నిర్మాణం వంటి సేవింగ్స్ గోల్స్ మీ ముందు ఉంటే మనీ సేవ్ చేయాలని కచ్చితంగా అనిపిస్తుంది.
అనవసర ఖర్చులు వద్దు
మనం మన జీవనశైలిని పరిశీలించుకొని, ఆ పరిధిలోనే ఖర్చు చేయాలి. ఎదుటివారిని చూసి బిందాస్‌గా ఉండాలి అనుకోకూడదు. ముఖ్యంగా తక్కువ జీతం వస్తున్న వారు అనవసరమైన సబ్‌స్క్రిప్షన్స్(Subscriptions), ఖరీదైన ఫోన్లు(Costly Phones), వినోదానికి అయ్యే ఖర్చులు తగ్గించుకోవాలి. అద్దె(Rent) కోసం కూడా ఎక్కువ వెచ్చించకూడదు. మనకొచ్చే జీతాన్ని(Salary) ఎలా ఖర్చు చేస్తున్నాం, డబ్బులను వెనకేసుకుంటున్నామా లేదా అన్నదే ముఖ్యం. ఇందుకు పెద్ద ప్రణాళికలు కూడా అవసరం లేదు. మన బడ్జెట్‌ను సరిగ్గా ప్లాన్ చేసి, అమలు చేస్తే సరిపోతుంది. రూపాయే కదా అని ఖర్చు చేస్తే, అది పది రూపాయలకు పెరుగుతుంది. పది రూపాయలు కాస్త వందలు, వేలుగా మారిపోతాయి.
ఎమర్జెన్సీ ఫండ్
తక్కువ జీతంతో సేవింగ్స్ చేసేవారు ఎమర్జెన్సీ ఫండ్(Emergency fund)ను కచ్చితంగా మెయింటెయిన్ చేయాలి. ఇది ఆర్థిక అత్యవసర పరిస్థితుల్లో అండగా నిలుస్తుంది. పెట్టుబడి డబ్బును ఉపసంహరించుకోవాలంటే కాస్త సమయం పడుతుంది. కానీ, ఈ ధనాన్ని ఎమర్జెన్సీ సమయంలో వెంటనే వాడుకోడానికి వీలు ఉంటుంది. అందుకే.. కొంత మొత్తంలో ఈ ఫండ్‌ను సొంతంగా ఏర్పాటు చేసుకోవాలి. తక్కువ జీతం(Low Salary) ఉండేవారికి ఉన్నట్లుండి డబ్బు సమకూర్చుకోవడం కొంచెం కష్టంగా ఉంటుంది. అందుకే ఎమర్జెన్సీ ఫండ్ తీసుకుంటే చాలా మేలు.
Desk
swarna boddula
