admin
కాల్పుల మోతతో గాజా(Gaza) మళ్లీ దద్దరిల్లింది. సీజ్‌ఫైర్ ఒప్పందం ముగియడంతో గాజాపై ఇజ్రాయెల్ సైన్యాలు వైమానిక(Israeli forces airstrikes) దాడులతో విరుచుకుపడుతున్నాయి. దీంతో అక్కడ దాదాపు 400కు పైగా జనం మృతి చెందినట్లు గాజా హెల్త్ డిపార్ట్ మెంట్(Gaza Health Department) వెల్లడించింది. మరో 562 మంది గాయపడినట్లు తెలిపింది. కాల్పుల విరమణ ఒప్పందం(Ceasefire Agreement)పై చర్చలకు సిద్ధమవుతున్న తరుణంలో ఇలాంటి ఘటన చోటు చేసుకోవడంతో యావత్తు ప్రపంచం ఉలిక్కిపడింది.
మృతుల్లో అత్యధికంగా మహిళలు, చిన్నారులే..
ఇజ్రాయెల్ ముఖ్యంగా ఖాన్‌ యూనిస్‌(Khan Younis), రఫా(Rafa), ఉత్తర గాజా, గాజా సిటీ ప్రాంతాల్లో (Israel Hamas Conflict) ఈ వైమానిక దాడులకు పాల్పడింది. మృతుల్లో అత్యధికంగా మహిళలు, చిన్నారులే ఉన్నట్లు ఆరోగ్యశాఖ(Health Department) వెల్లడించింది. శిథిలాల కింద అనేక మంది చిక్కుకుపోయినట్లు తెలిపింది. తొలుత ఈ మరణాలు, గాయపడిన వారి సంఖ్య కొంత ఎక్కువగా చెప్పినప్పటికీ తర్వాత సవరించింది. మరోవైపు గాజా ఆసుపత్రుల్లో భయానక పరిస్థితులు నెలకొన్నాయని, పిల్లలతో ICUలు నిండిపోయాయని క్షేత్రస్థాయి వైద్య సిబ్బంది పేర్కొన్నారు.
వారిలో మళ్లీ భయాందోళనలు
కాగా గత ఏడాది నుంచి గాజాలో ఇజ్రాయెల్ చేసిన దాడుల్లో ఇప్పటివరకు 48వేల మంది పాలస్తీనీయన్లు(Palestinians) ప్రాణాలు కోల్పోయారు. చనిపోయిన వారిలో సగం మంది మహిళలు(Womens), చిన్నారులే(Childrens) ఉన్నట్లు గాజా ఆరోగ్యశాఖ వెల్లడించింది. అయితే, ఇజ్రాయెల్ దాడుల నేపథ్యంలో గతంలో దాదాపు 90% మంది పాలస్తీనీయన్లు సురక్షిత ప్రాంతాలకు తరలివెళ్లగా.. ఇటీవల కాల్పుల విరమణతో అనేక మంది తిరిగి తమ స్వస్థలాలకు వచ్చారు. ఈ క్రమంలోనే నెతన్యాహు(Netanyahu) సేనలు భీకర దాడులు మొదలుపెట్టడంతో వారిలో మళ్లీ భయాందోళనలు నెలకొన్నాయి.
Desk
swarna boddula
