adminMana Enadu : శ్రీహరికోటలోని సతీశ్‌ ధవన్‌ స్పేస్‌ సెంటర్‌ (SHAR) నుంచి బుధవారం సాయంత్రం 4.08 గంటలకు ప్రయోగించనున్న పీఎస్‌ఎల్‌వీ-సీ59 (PSLV – C59) ప్రయోగం వాయిదా పడింది. స‌తీష్ ధావ‌న్ అంతరిక్ష కేంద్రం నుంచి నింగికి ఎగ‌రాల్సిన ప్రోబా3 స్పేస్‌ క్రాఫ్ట్‌లో సాంకేతిక లోపం త‌లెత్తడంతో ఈ ప్రయోగాన్ని రేపటి (గురువారం (డిసెంబరు 5వ తేదీ))కి వాయిదా వేస్తున్న‌ట్లు ఇస్రో (ISRO) ప్ర‌క‌టించింది. గురువారం సాయంత్రం 4.12 నిమిషాల‌కు ప్రయోగం ఉంటుంద‌ని తెలిపింది.
Due to an anomaly detected in PROBA-3 spacecraft PSLV-C59/PROBA-3 launch rescheduled to tomorrow at 16:12 hours.
— ISRO (@isro) December 4, 2024
సూర్యుడి గుట్టు విప్పే ప్రోబా-3 మిషన్
కృత్రిమ సూర్య గ్రహణాన్ని సృష్టించడం ద్వారా భానుడి గుట్టు విప్పేందుకు ఐరోపా అంతరిక్ష సంస్థ (ESA)కు చెందిన ప్రోబా-3 మిషన్ శాటిలైట్ల (Proba-3 Mission Satellites)ను ఇస్రో నింగిలోకి పంపుతున్న విషయం తెలిసిందే. ప్రోబా-3 మిషన్‌లో రెండు ఉపగ్రహాలు ఉన్నాయి. వీటిని కరోనా గ్రాఫ్‌ స్పేస్‌ క్రాఫ్ట్‌, ఆక్యుల్టర్‌ స్పేస్‌ క్రాఫ్ట్‌ అని అంటారు. దాదాపు 550 కిలోల బరువు ఉండే ఈ ఉపగ్రహాలను అతి దీర్ఘవృత్తాకార కక్ష్యలో ప్రవేశపెట్టనున్నారు.
సాంకేతిక లోపంతో ప్రయోగం వాయిదా
కృత్రిమ గ్రహణాన్ని సృష్టించడం ద్వారా సూర్యుడి (Sun) బాహ్య వాతావరణమైన కరోనాను అధ్యయనం చేయడమే ఈ ప్రోబా-3 లక్ష్యమని శాస్త్రవేత్తలు తెలిపారు. ఆ రెండు ఉపగ్రహాలు పరస్పరం సమన్వయం చేసుకుంటూ క్రమపద్ధతిలో భూ కక్ష్యలో విహరించ‌నున్నాయని వెల్లడించారు. నిజానికి ఇవాళ (బుధవారం) సాయంత్రం 4.06 గంటలకు పీఎస్‌ఎల్‌వీ-సీ59 రాకెట్‌ ద్వారా ఈ ప్రయోగాన్ని నిర్వహించాల్సి ఉంది. కానీ సాంకేతిక లోపంతో ప్రయోగాన్ని వాయిదా వేశారు.
Desk
swarna boddula
