adminMana Enadu : రంగారెడ్డి జిల్లా తుక్కుగూడ వద్ద ఔటర్ రింగ్ రోడ్డుపై ప్రమాదం (Thukkuguda Road Accident) చోటుచేసుకుంది. ఈ ఘటనలో జబర్దస్త్ కమెడియన్ రామ్ ప్రసాద్ (Jabardast Ramprasad) గాయపడ్డారు. ఆయన ప్రయాణిస్తున్న కారు ప్రమాదానికి గురవ్వడంతో ఆయనకు గాయాలయ్యాయి.
ఇవాళ మధ్యాహ్నం రామ్ ప్రసాద్ షూటింగ్ స్పాట్కు బయల్దేరారు. ఈ క్రమంలో ఔటర్ రింగు రోడ్డుపైకి కారు రాగానే ఆయన సడన్ బ్రేక్ వేశారు. ఈ క్రమంలో వెనుక నుంచి వస్తున్న మరో వాహనం ఆ కారును ఢీ (Ram Prasad Accident) కొట్టింది. దీంతో ముందున్న కారును రామ్ ప్రసాద్ కారు ఢీ కొట్టింది. ఈ ఘటనలో అతనికి స్వల్ప గాయాలయ్యాయి. మరోవైపు కారు ధ్వంసమైంది.
విషయం తెలుసుకున్న పోలీసులు ఘటనాస్థలికి చేరుకున్నారు. వెంటనే రామ్ ప్రసాద్ ను అంబులెన్సులో ఆస్పత్రికి తరలించారు. ఈ ఘటనపై కేసు నమోదు చేసుకున్నారు. అనంతరం ధ్వంసమైన వాహనాన్ని అక్కడి నుంచి తరలించారు. రామ్ ప్రసాద్ ప్రమాదానికి గురయ్యారని తెలిసి అభిమానులు (Ram PRasad Fans) ఆందోళన చెందుతున్నారు. అయితే ఆయనకు స్వల్ప గాయాలు మాత్రమే అయ్యాయని తెలిసి కాస్త ఊపిరి పీల్చుకున్నారు. ఆయన త్వరగా కోలుకోవాలని ప్రార్థిస్తున్నారు.
జబర్దస్ రామ్ ప్రసాద్ గురించి తెలియని వారుండరు. ఈటీవీలో టెలికాస్ట్ అయ్యే జబర్దస్త్, శ్రీదేవి డ్రామా కంపెనీ ఇతర కార్యక్రమాల ద్వారా ఇతను ప్రేక్షకులకు సుపరిచతమే. ఈ షోలలో వచ్చిన ఫేమ్ తో రామ్ ప్రసాద్ కు సినిమా ఆఫర్లు కూడా వస్తున్నాయి. మెగాస్టార్ చిరంజీవి వంటి హీరోల సినిమాలో కూడా రామ్ ప్రసాద్ నటించాడు. ఇక రైటర్ గానూ ఈయన సినిమా ఇండస్ట్రీలో తన అదృష్టాన్ని పరీక్షించుకుంటున్నాడు.
Desk
swarna boddula
