జూ.ఎన్టీఆర్ వీరాభిమాని కౌశిక్ మృతి

జూనియర్ NTR.. ఆయన నటనకు ప్రపంచ వ్యాప్తంగా అభిమానులు (Fans) ఉన్నారు. ముఖ్యంగా తెలుగు రాష్ట్రాల్లో ఈ నందమూరి హీరోకి విపరీతమైన క్రేజ్, డైహార్డ్ ఫ్యాన్స్ యంగ్ టైగర్ సొంతం. ఎన్టీఆర్ తన ఫ్యామిలీలో కొందరు రోడ్డు యాక్సిడెంట్‌(Road accident)లో చనిపోయిన దగ్గర్నుంచి ఆయన పాల్గొనే ప్రతి సినిమా కార్యక్రమాల్లోనూ అభిమానులకు జాగ్రత్తగా ఇళ్లకు వెళ్లాలని చెబుతుంటాడు. అభిమానులను ప్రాణంగా చూసుకునే తారక్‌కు కొద్ది రోజుల క్రితమే తిరుపతిలోకి వినాయక్ నగర్‌కు చెందిన కౌశిక్(Kaushik) అనే తన అభిమాని బ్లడ్ క్యాన్సర్‌(Cancer)తో బాధపడుతున్నాడని తెలుసుకొని అతడిని ఫోన్ కాల్ ద్వారా పరామర్శించాడు.

అభిమాన నటుడిని చూడకుండానే..

‘నువ్వు క్యాన్సర్‌తో ధైర్యంగా పోరాడాలి. కోలుకున్నాక ఇద్దరం కలిసి దేవర(Devara) మూవీ చూద్దాం. త్వరలోనే నేను నిన్న కలుస్తా’ అని NTR ఆ అభిమానికి ధైర్యం చెప్పాడు. పైగా అతడికి అయ్యే ఆస్పత్రి ఖర్చుల్లోకూ కొంత సపోర్ట్ చేశాడు. అయితే అతడు ఓడిపోయాడు. క్యాన్సర్‌ని జయించలేక నిన్న అర్ధరాత్రి మరణించాడు. దీంతో తమ కుమారుడు తన అభిమాన హీరోను చూడకుండానే అనంతలోకాలకు వెళ్లిపోయాడంటూ అతడి తల్లిదండ్రులు విలపించిన తీరు పలువురిని కన్నీరు పెట్టించింది. ఈ విషయం తెలుసుకున్న NTR కౌశిక్ మృతికి సంతాపం వ్యక్తం చేశాడు. అతడి ఆత్మకు శాంతి చేకూరాలని ప్రార్థిస్తున్నట్లు ట్వీట్ చేశాడు.