బాయ్​ఫ్రెండ్​ గురించి కీర్తి సురేశ్ గతంలోనే హింట్​.. ఎలాగంటే..?​

తన రిలేషన్​ షిప్​ స్టేటస్​పై నటి కీర్తి సురేశ్​(keerthy suresh) ఇటీవలే అధికారిక ప్రకటన చేసింది. బిజినెస్​ మ్యాన్​ ఆంటోనీ తట్టిల్​తో (Antony Thattil) ప్రేమలో ఉన్నట్లు తెలుపుతూ అతడితో కలిసి ఉన్న ఫొటోను ఇన్​స్టాలో పంచుకుంది. 15 ఏళ్ల స్నేహబంధం ఇకపై జీవితాంతం కొనసాగుతుందని వెల్లడించింది. అయితే ఆంటోనీతో ప్రేమలో ఉన్నట్లు ఆమె గతంలోనే ఓ హింట్​ ఇచ్చింది. ఆంటోనీ పేరులోని చివరి రెండు అక్షరాలు (NY), తన పేరులోని మొదటి రెండు అక్షరాలు (Ke) కలిపి తన పెట్‌ డాగ్​కు నైక్ (Nyke) అని పేరు పెట్టుకుంది. కానీ ఈ విషయాన్ని ఎవరూ పసిగట్టలేకపోయారు. ఆ పెట్​ను కూడా అతడే కీర్తికి గిఫ్ట్​గా ఇచ్చినట్లు సమాచారం

కీర్తి సురేష్ పెళ్లి మీద, ప్రేమ వార్తల మీద గతంలో రకరకాల కథనాలు వచ్చాయి. మ్యూజిక్​ డైరెక్టర్​ అనిరుధ్‌, తమిళ్​కు చెందిన ఓ కమెడిన్​తో పాటు మరికొందరితో ప్రేమాయణం అని కీర్తి సురేశ్​ మీద పుకార్లు చక్కర్లు కొట్టాయి. కానీ కీర్తి సురేశ్​కు సినిమాల్లోకి రాక ముందు నుంచీ బాయ్ ఫ్రెండ్‌ ఉన్నాడని, అతగాడితో ఇన్నేళ్లు ప్రేమలో ఉందని తెలుస్తోంది. ఆంటోనీతో ఆమె రిలేషన్​లో ఉన్నట్లు తనంతట తాను చెప్పే వరకు ఎవ్వరూ పసిగట్టలేకపోయారు.

కీర్తి సురేశ్​, ఆంటోనీ కాలేజీ రోజుల నుంచి ఫ్రెండ్స్. ఆంటోనికి దుబాయ్​తోపాటు భారత్​తోనూ పలు వ్యాపారాలున్నాయి.
దక్షిణాదిలో పలు సినిమాలతో క్రేజ్​ సంపాదించుకున్నకీర్తి సురేశ్..​ బాలీవుడ్​ ఎంట్రీ ఇచ్చింది. తమిళంలో దళపతి విజయ్​, సమంత నటించిన ‘తెరి’ సినిమా(తెలుగులో పోలీసోడు)కు రీమేక్​గా అట్లీ రూపొందిస్తున్న సినిమా బేబీ జాన్​లో (baby john) వరుణ్ ధావన్‌ (varun dhawan) సరసన ఆడిపాడింది. ఈ చిత్రం విడుదలకు సిద్ధంగా ఉంది.