విజయ్​ దేవరకొండ మూవీలో సత్యదేవ్​?

రౌడీ బాయ్ విజయ్ దేవరకొండ (Vijay Devarakonda) హీరోగా ‘VD 12’ వర్కింగ్​ టైటిల్​తో గౌతమ్ తిన్ననూరి ఓ సినిమా తెరకెక్కిస్తున్న విషయం తెలిసిందే. ఇందులో యంగ్ బ్యూటీ శ్రీలీల హీరోయిన్ గా నటిస్తోంది. 2025 సమ్మర్‌లో రిలీజ్ కానున్న ఈ సినిమా షూటింగ్ శరవేగంగా సాగుతోంది. ఇప్పటికే రిలీజైన ఓ పోస్టర్‌లో విజయ్ దేవరకొండ లుక్ అందరినీ ఆకట్టుకుంది. ఇదిలా ఉండగా ఈ మూవీలో ఓ కీలక పాత్ర కోసం ఇటీవలే ‘జీబ్రా’ సినిమాతో సూపర్ హిట్ అందుకున్న యాక్టర్ సత్యదేవ్​ను (Satyadev) చిత్ర బృందం సంప్రదించిందని, అందుకు అతడు ఓకే చెప్పినట్లు టాక్​ నడుస్తోంది.

డిఫరెంట్ కాన్సెప్ట్​తో రూపొందుతోన్న ఈ సినిమాలో ఈ పాత్ర ఎంతో వైవిధ్యంగా ఉంటుందని తెలిసింది. అతడి రోల్ విజయ్ దేవరకొండకు హెల్ప్ చేస్తూనే వెన్నుపోటు పొడిచేలా ఉంటుందని అంటున్నారు. ఇప్పటికే సత్యదేవ్ ఈ సినిమా షూటింగ్‌లో కూడా భాగం అయినట్లు సినీ వర్గాలు వెల్లడిస్తున్నాయి. దీంతో అతడి పాత్రపై అంచనాలు భారీగా ఏర్పడుతున్నాయి.

నటన పరంగా 100 శాతం న్యాయం చేసే సత్యదేవ్.. జీబ్రా (zebra) మూవీతో ఎట్టకేలకు విజయం సొంతం చేసుకున్నారు. సత్యదేవ్​ మొదటి నుంచి హీరోగా నటిస్తునే పలు సినిమాల్లో సపోర్టింగ్ రోల్స్‌తో అదరగొడుతున్నారు. చిరంజీవి గాడ్ ఫాదర్‌లో విలన్‌గా చేసి తనలోని మరో నటుడిని వెలికితీశాడు.

ఈ సినిమా టైటిల్ ఇంకా రివీల్ కాకపోవడంతో మేకర్స్ టైటిల్ టీజర్‌ని విడుదల చేసేందుకు సిద్దమవుతున్నారు. ఈ టీజర్‌కు వాయిస్​ ఓవర్​ ఇచ్చేందుకు బాలకృషని (Balakrishna) సంప్రదించారట మేకర్స్. దీనికి ఆయన కూడా సానుకూలంగా స్పందించినట్లు సమాచారం. దీంతో రౌడీ బాయ్ ప్లస్ గాడ్ ఆఫ్ మాసెస్ కాంబినేషన్‌లో టీజర్ వచ్చే టీజర్​పై భారీ అంచనాలు ఏర్పడుతున్నాయి.

‘మళ్ళీ రావా’, ‘జెర్సీ’ వంటి సినిమాలతో ఫీల్ గుడ్ ఎమోషనల్ సినిమాలు అందించిన గౌతమ్ తిన్ననూరి ఈ సారి యాక్షన్ జోనర్​లోకి షిఫ్ట్ అయ్యాడు. స్పై థ్రిల్లర్ జోనర్‌లో రాబోతున్న ఈ సినిమాను సితార ఎంట‌ర్‌టైన్‌మెంట్స్ , ఫార్ఛ్యూన్ ఫోర్ ప‌తాకాల‌పై నాగ‌వంశీ, సాయి సౌజ‌న్య నిర్మిస్తున్నారు. ఈ సినిమాకు అనిరుథ్ రవిచందర్ సంగీతం అందిస్తున్నాడు.