అఖిల్​ వివాహం ఎప్పుడంటే.. చెప్పేసిన నాగార్జున

అక్కినేని కుటుంబం నుంచి వరుస సర్​ప్రైజ్​లు వస్తున్నాయి. కొద్దిరోజుల క్రితమే నాగచైనత్య–శోభిత దూళిపాల వివాహాన్ని ప్రకటించిన నాగార్జున.. రెండ్రోజుల క్రితం చిన్న కొడుకు అఖిల్ (Akhil Akkineni)​ ఎంగేజ్​మెంట్​ చేసుకున్నట్లు ప్రకటించారు. ముంబయికి చెందిన జైనాబ్​ రౌడ్జీతో (Zainab Ravdjee) నిఖిల్​కు జరిగిన నిశ్చితార్థం ఫొటోలకు సోషల్​ మీడియాలో పంచుకున్నారు.

డిసెంబర్​ 4వ తేదీన అన్నపూర్ణ స్టూడియోలో నాగచైతన్య, (Naga Chaitanya) శోభిత (sobhita dhulipala) వివాహం జరగనుండగా.. అదే వేదికలో అఖిల్​, జైనాబ్​ రౌడ్జీ వివాహం కూడా జరుగుతుందా? అసలు జైనాబ్​ రౌడ్జీ ఎవరు లాంటి పలు అనుమానాలను సినీ అభిమానులు వ్యక్తం చేశారు. ఈ నేపథ్యంలోనే నాగార్జున ఓ ఇంటర్వ్యూలో అఖిల్–జైనాబ్​ రౌడ్జీ​ వివాహం గురించి స్పష్టతనిచ్చారు. వారి వివాహం వచ్చే ఏడాదే ఉంటుందని తెలిపారు.

ఓ ఇంటర్వ్యూలో నాగార్జున (Nagarjuna) మాట్లాడుతూ.. ‘అఖిల్​ ఎంగేజ్​మెంట్​ పట్ల చాలా సంతోషంగా ఉన్నా. జైనాబ్​ లాంటి అందమైన అమ్మాయి మాత్రమే అఖిల్​కు సరైన జోడీ. వారిద్దరు తమ జీవితాలను కొనసాగించాలని నిర్ణయించుకున్నందుకు ఆనందంగా ఉంది. వారిద్దరి వివాహం 2025లోనే జరగనుంది’ అని స్పష్టం చేశారు.

ప్రస్తుతం నాగచైతన్య తండేల్​ సినిమా చేస్తున్నారు. సాయిపల్లవి హీరోయిన్​గా నటిస్తోంది. దర్శకుడు చందూ మొండేటి తెరకెక్కిస్తున్నాడు. ఇక గతేడాది ఏజెంట్​ సినిమాతో పలకరించిన అఖిల్.. ప్రస్తుతం ఓ భారీ ప్రాజెక్టు కోసం సిద్ధమవుతున్నాడు. దీనికోసం తన లుక్​ను కూడా మార్చాడు. త్వరలోనే ఈ సినిమా ప్రకటన వెలువడే అవకాశం ఉంది.​ నాగార్జున ప్రస్తుతం శేఖర్​ కమ్ముల తెరకెక్కిస్తున్న కుబేరా సినిమాలో, రజినీకాంత్​ హీరోగా లోకేశ్​ కనకరాజ్​ తెరకెక్కిస్తున్న కూలీ నినిమాలో కీలక పాత్ర పోషిస్తున్నారు.