swarna boddula
మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన ఆమెను ఆ ప్రయాణం చేయించింది.
ఈ విషయం తెలిసిన చిరంజీవి, వెంటనే రాజేశ్వరిని తన ఇంటికి ఆహ్వానించారు. ఆ క్షణాలు ఎంతో భావోద్వేగంగా మారాయి. రాజేశ్వరి చూపిన ధైర్యం, అభిమానాన్ని చూసి చిరంజీవి హృదయానికి హత్తుకున్నారు. గుర్తుగా ఆమెకు ఒక పట్టు చీర బహూకరించగా, రాజేశ్వరి చిరంజీవికి రాఖీ కట్టి ఆ అనుబంధాన్ని మరింత బలపరిచారు.
ఇంతటితో ఆగని చిరంజీవి, ఆమె కుటుంబ భవిష్యత్తుకు కూడా చేయూతనిచ్చారు. రాజేశ్వరి పిల్లల చదువులను తానే చూసుకుంటానని, వారికి మంచి భవిష్యత్తు కల్పిస్తానని హామీ ఇచ్చారు. ఈ ఉదారతతో ఆయన అభిమానుల గుండెల్లో మరింత స్థానం సంపాదించారు.
A fan’s love knows no limits, and a Megastar’s heart knows no bounds ❤️🔥❤️🔥❤️🔥@KChiruTweets garu met his Lady Fan Rajeshwari, who cycled all the way from her hometown Adoni to Hyderabad ❤️
He not only welcomed her with affection but also extended financial support, gifted her a… pic.twitter.com/UEqmiwCIPJ
— Team Megastar (@MegaStaroffl) August 29, 2025
ప్రస్తుతం రాజేశ్వరి సాహసయాత్ర, చిరంజీవితో ఆత్మీయ భేటీకి సంబంధించిన వీడియో సోషల్ మీడియాలో వైరల్ అవుతోంది. ఈ సంఘటన మెగాస్టార్ గొప్ప మనసును, అభిమానుల పట్ల ఆయనకున్న అపారమైన ప్రేమను మరోసారి చాటి చెప్పిందని అభిమానులు మురిసిపోతున్నారు.
admin
Desk
