admin
హైదరాబాద్- విజయవాడ జాతీయ రహదారిపై ప్రయాణించే వాహనదారులకు నేషనల్ హైవేస్ అథారిటీ ఆఫ్ ఇండియా గుడ్ న్యూస్ చెప్పింది. ఈ రహదారిపై వెళ్లే వారి కోసం కీలక నిర్ణయం తీసుకుంది. ఈ మార్గంలో టోల్ ఛార్జీలు భారీగా తగ్గిస్తున్నట్లు ప్రకటించింది. ఏప్రిల్ 1వ తేదీ (మార్చి 31 అర్ధరాత్రి) నుంచి కొత్త ధరలు అమల్లోకి రానున్నాయి. ఎన్‌హెచ్‌ఏఐ టోల్ వసూలు బాధ్యతలు చేపట్టడంతో ఈ నిర్ణయం తీసుకుంది.
పంతంగి టోల్ ప్లాజా వద్ద తగ్గిన ఛార్జీలు
- కార్లకు రూ.15.. బస్సులకు రూ.50
- కార్లు, జీపులు, వ్యాన్‌లకు ఒకవైపు ప్రయాణానికి రూ.15, రెండు వైపుల జర్నీకి రూ.30
- తేలికపాటి వాణిజ్య వాహనాలకు ఒక వైపు రూ.25, రెండు వైపులా రూ.40
- బస్సులు, ట్రక్కులకు ఒకవైపు రూ.50, రెండు వైపుల రూ.75
చిల్లకల్లు టోల్ ప్లాజా వద్ద తగ్గిన ఛార్జీల వివరాలు
- అన్ని వాహనాలకు ఒకవైపు రూ.5, రెండు వైపుల రూ.10
- 24 గంటలలోపు తిరుగు ప్రయాణానికి టోల్ రుసుములో 25 శాతం తగ్గింపు
గతంలో ఈ రహదారిని నిర్మించిన GMR సంస్థ 2024 జూన్ 31 వరకు టోల్ వసూలు చేసింది. ఆ తర్వాత ఈ బాధ్యతలను ఎన్‌హెచ్‌ఏఐ తీసుకుంది. ఈ క్రమంలోనే తాజాగా ఎన్‌హెచ్‌ఏఐ టోల్ ఛార్జీలు తగ్గించింది. రెండు తెలుగు రాష్ట్రాల మధ్య అత్యంత రద్దీగా ఉండే హైవేలో హైదరాబాద్- విజయవాడ రహదారి ప్రధానమైందన్న విషయం తెలిసిందే. నిత్యం వేల సంఖ్యలో రాకపోకలు సాగుతుంటాయి. ఈ నేపథ్యంలో హైదరాబాద్ విజయవాడ హైవేపై టోల్ ఛార్జీలు తగ్గించటం వాహనదారులకు ఊరటనిచ్చే అంశంగా కనిపిస్తోంది.
Desk
swarna boddula
