యంగ్ టైగర్ ఎన్టీఆర్(NTR), బాలీవుడ్ కండలవీరుడు హృతిక్ రోషన్(Hrithik Roshan) కలిసి నటిస్తున్న ‘వార్-2(War 2)’ మూవీ ప్రీ-రిలీజ్ వేడుక(Pre-release Event)కు రంగం సిద్ధమైంది. అట్టహాసంగా నిర్వహించనున్న ఈ కార్యక్రమాన్ని ఈరోజు హైదరాబాద్(Hyderabad)లో నిర్వహించనున్నారు. యూసుఫ్గూడ(Yusufguda)లోని కోట్ల విజయభాస్కర్ రెడ్డి (KVBR) ఇండోర్ స్టేడియం ఈ వేడుకకు వేదిక కానుంది. సాయంత్రం 5 గంటలకు ప్రారంభమయ్యే ఈ వేడుక రాత్రి 10 గంటల వరకు కొనసాగుతుందని నిర్వాహకులు తెలిపారు. ఇద్దరు అగ్ర తారలు ఒకే వేదికపై కనిపించనుండటంతో ఈ కార్యక్రమానికి అభిమానులు, ప్రజలు భారీ సంఖ్యలో హాజరవుతారని అంచనా వేస్తున్నారు.
కేవీబీఆర్ స్టేడియం పరిసరాల్లో ట్రాఫిక్ ఆంక్షలు
ఈ నేపథ్యంలో నగర పోలీసులు(Police) ముందు జాగ్రత్త చర్యలు చేపట్టారు. ‘వార్-2’ వేడుక కారణంగా కేవీబీఆర్ స్టేడియం పరిసర ప్రాంతాల్లో ట్రాఫిక్(Traffic)కు తీవ్ర అంతరాయం కలిగే అవకాశం ఉందని వెల్లడించారు. అందువల్ల, ఆదివారం సాయంత్రం సమయంలో ప్రయాణికులు యూసుఫ్గూడ మార్గంలో కాకుండా ప్రత్యామ్నాయ దారుల్లో ప్రయాణించాలని సూచించారు. అనవసరమైన అసౌకర్యాన్ని నివారించేందుకు వాహనదారులు పోలీసులకు సహకరించాలని కోరారు.
Traffic restrictions in Hyderabad from 5–10 pm on Sunday for Jr NTR’s War 2 pre-release event at Yusufguda Police Grounds. #HyderabadTraffic #JrNTR #War2https://t.co/Cm53vgCtWX pic.twitter.com/RscuPj0j7x
— Hyderabad News Hunt (@hydnewshunt) August 9, 2025
హృతిక్, కియారా హాజరవుతారా?
అయితే గత వారం రోజులుగా హైదరాబాద్ నగరంలో రోజూ సాయంత్రం నుంచి రాత్రి వరకు వర్షాలు(Heavy Rains) పడుతున్న సంగతి తెలిసిందే. ఇప్పుడూ వాతావరణ శాఖ సమాచారం ప్రకారం, ఈ రోజు కూడా వర్షం పడే ఛాన్స్ ఉంది. దీంతో ఓపెన్ గ్రౌండ్లో ఈవెంట్ నిర్వహణపై అనేక సందేహాలు వ్యక్తమవుతున్నాయి. మరోవైపు హృతిక్ రోషన్, కియారా అద్వానీ(Kiara Advani) ఈవెంట్కి హాజరవుతారా లేదా అన్నదానిపై ఇంకా అధికారిక క్లారిటీ రాలేదు. వాతావరణ పరిస్థితులను బట్టి, కార్యక్రమంలో మార్పులు వచ్చే అవకాశం ఉందని తెలుస్తోంది.






