బ‌రిలోకి భ‌గ‌త్‌సింగ్‌…!

న‌టుడు ప‌వ‌న్ క‌ళ్యాణ్‌ రాజ‌కీయాల్లో ఎప్ప‌టిక‌ప్పుడు చురుగ్గా ఉంటూనే ఇటు సినిమా షూటింగులూ చ‌క‌చ‌కా పూర్తి చేస్తున్నారు. సుజీత్ ద‌ర్శ‌క‌త్వంలో వ‌స్తున్న ఓజీ షూటింగ్ ఇప్ప‌టికే పూర్తికాగా.. హైద‌రాబాద్ వేదిక‌గా ఉస్తాద్ భ‌గ‌త్‌సింగ్ చిత్రీక‌ర‌ణ సాగుతోంది. మంగ‌ళ‌గిరి నుంచి సోమ‌వారం రాత్రి హైద‌రాబాద్‌కు చేరుకున్న ప‌వ‌న్‌.. మంగ‌ళ‌వారం సెట్లో అడుగుపెట్టారు. ఇందుకు సంబంధించిన చిత్రాలు ఇప్పుటు నెట్టింట హ‌ల్‌చ‌ల్ చేస్తున్నాయి. ఖాకీ యూనీఫాంలో ప‌వ‌న్ మాసివ్ లుక్ అభిమానుల‌కు పూన‌కాలు తెప్పించేలా ఉంది. ఈ సినిమాలో తెలుగమ్మాయి శ్రీలీల హీరోయిన్‌గా న‌టిస్తున్నారు. ప‌వ‌న్ మ‌రో చిత్రం హ‌రిహ‌ర వీర‌మ‌ళ్లుకు తాత్కాలిక విరామం ఇచ్చిన‌ట్లు సినిమా బృందం తెలిపింది.