ప్రధాని మోదీ అమరావతి పర్యటన షెడ్యూల్ ఖరారు

ప్రధానమంత్రి నరేంద్ర మోదీ (PM Modi AP Tour) ఏపీలో పర్యటించనున్నారు. రాజధాని అమరావతి పనుల పునః ప్రారంభానికి ఆయన హాజరుకానున్నారు. ఈ నేపథ్యంలో మోదీ అమరావతి పర్యటన షెడ్యూల్ ఖరారైది. మే 2వ తేదీన మోదీ ఏపీకి రానున్నారు.  పీఎం పర్యటనపై సీఎస్ కె. విజయానంద్ (AP CS Vijayanand) సమీక్ష నిర్వహించి ప్రధాని పర్యటనకు సంబంధించి ఏర్పాట్లపై అధికారులకు దిశానిర్దేశం చేశారు.  ప్రధానమంత్రి సభకు సుమారు 5 లక్షల మంది ప్రజలు పాల్గొనేలా ఏర్పాట్లు చేస్తున్నారు.

ప్రధాని మోదీ అమరావతి పర్యటన షెడ్యూల్

1. అమరావతి నిర్మాణాల పునఃప్రారంభోత్సవానికి ప్రధాని మోదీ (PM Modi Amaravati Tour) మే 2వ తేదీన రానున్నారు.
2. ఆరోజు సాయంత్రం 4 గంటలకు రాజధాని పనులను ప్రధాని ప్రారంభిస్తారు.
3. సచివాలయం వెనక ఏర్పాటు చేసిన బహిరంగ సభ వేదికపై నుంచే పనులు పునఃప్రారంభిస్తారు.
4. అనంతరం రాష్ట్ర ప్రజలను ఉద్దేశించి ప్రధాని మోదీ ప్రసంగిస్తారు.

4 హెలీప్యాడ్లు రెడీ

మోదీ పర్యటన (Modi AP Visit News) నేపథ్యంలో సభా ప్రాంగణం చుట్టూ భారీ బందోబస్తు ఏర్పాటు చేయనున్నారు. వీఐపీలతో పాటు ప్రజలు సభా ప్రాంగణానికి చేరుకునేందుకు 9 రహదార్లను అలర్ట్ చేసి.. పటిష్ఠ భద్రత ఏర్పాటు చేయనున్నట్లు సీఎస్ విజయానంద్ తెలిపారు. ప్రధానితో పాటు ఇతర ప్రముఖుల కోసం 4 హెలీప్యాడ్లు అవసరమని భావిస్తున్నట్లు వెల్లడించారు. హెలీప్యాడ్‌ నుంచి వేదిక వరకు ఇరు వైపులా రైతులు, మహిళలు నిలబడి ప్రధాని మోదీకి పూలు చల్లుతూ స్వాగతం పలుకుతారు.

40 ఎకరాల్లో టెంట్లు

సభకు వచ్చేవారి కోసం 40 ఎకరాల్లో టెంట్లు ఏర్పాటు చేయనున్నారు. ఎకరాకు 6 వేలు చొప్పున మొత్తం 2.40 లక్షల మంది కూర్చునేలా సీటింగ్ అరేంజ్మెంట్స్ (PM Modi Tour Arrangements) చేస్తున్నారు. వీఐపీ పార్కింగ్‌కు 10 ఎకరాలు, వేదికల కోసం 28 ఎకరాలు కేటాయించారు. ఎలాంటి అవాంఛనీయ ఘటనలు జరగకుండా ప్రధాని మోదీ పర్యటన విజయవంతం అయ్యేలా అధికారులు ఏర్పాట్లలో నిమగ్నమయ్యారు.