admin
టాలీవుడ్ బుట్టబొమ్మ పూజా హెగ్డే (Pooja Hegde) ఒకప్పుడు తెలుగు సినిమా ఇండస్ట్రీని ఏకఛ్ఛత్రాధిపత్యంగా ఏలింది. నిర్మాతలు, దర్శకులు, హీరోలు ఈ బ్యూటీ క్యాల్షీట్ల కోసం వేచి చూసేవారు. కానీ వరుసగా సినిమాలు ప్లాఫ్ కావడంతో ఈ భామకు అవకాశాలు తగ్గిపోయాయి. ఇటీవలే హిందీలో ‘దేవా (Deva)’ చిత్రంతో ప్రేక్షకుల ముందుకు వచ్చింది. ఇక తాజాగా ఈ బ్యూటీ ఓ తమిళ సినిమాలో నటించే ఛాన్స్ కొట్టేసింది. ఏకంగా తలైవా, సూపర్ రజనీకాంత్ (Rajinikanth) సినిమాలో నటించే అవకాశం దక్కించుకుంది.
కూలీలో పూజా హెగ్డే
కోలీవుడ్ సూపర్ స్టార్ రజినీకాంత్ నటిస్తున్న లేటెస్ట్ మూవీ ‘కూలీ (Coolie)’. లోకేష్ కనగరాజ్ దర్శకత్వంలో వస్తున్న ఈ సినిమాలో అక్కినేని నాగార్జున (Nagarjuna), కన్నడ స్టార్ ఉపేంద్ర, మలయాళం స్టార్ ఫహాద్ ఫాజిల్ (Fahad Fasil) కీలక పాత్రలో నటిస్తున్నారు. ఈ సినిమాలో ఇప్పటికే కోలీవుడ్ బ్యూటీ శ్రుతి హాసన్ (Shruti Hasaan) నటిస్తున్న విషయం తెలిసిందే. అయితే తాజాగా మరో హీరోయిన్ ను ఈ ప్రాజెక్టులోకి తీసుకున్నారు. టాలీవుడ్ బుట్టబొమ్మ పూజా హెగ్డేకు ఈ సినిమాలో నటించే ఛాన్స్ ఇచ్చారు.
Yes, you guessed it right!❤️🔥 @hegdepooja from the sets of #Coolie @rajinikanth @Dir_Lokesh @anirudhofficial @iamnagarjuna @nimmaupendra #SathyaRaj #SoubinShahir @shrutihaasan @anbariv@girishganges @philoedit @Dir_Chandhru @PraveenRaja_Off pic.twitter.com/25kNJnYwhV
— Coolie (@CoolieFilm) February 27, 2025
కోలీవుడ్ పై బుట్టబొమ్మ ఫోకస్
తాజాగా కూలీ చిత్రబృందం పూజా హెగ్డే పాత్రకు సంబంధించిన పోస్టర్ ను సోషల్ మీడియాలో రిలీజ్ చేసింది. కూలీ మూవీలో పూజ కూడా భాగమైనట్లు నెట్టింట ఓ పోస్టు పెట్టింది. ఇక పూజకు టాలీవుడ్ లో అవకాశాలు రాకపోవడంతో తమిళ ఇండస్ట్రీపై ఫోకస్ చేసింది. అక్కడ ఈ భామకు వస్తున్న అవకాశాలకు వరుసగా గ్రీన్ సిగ్నల్ ఇచ్చేస్తోంది. ఇటీవలే సూర్య (Suriya), కార్తీక్ సుబ్బరాజ్ కాంబోలో వస్తున్న రెట్రో (Retro)కు ఓకే చెప్పింది పూజ. ఇక తాజాగా లారెన్స్ డైరెక్షన్లో వస్తున్న కాంచన-4 (Kanchana -4)లోనూ ఛాన్స్ కొట్టేసింది. ఇక ఇప్పుడేమో కూలీలో అవకాశం దక్కించుకుంది. అయితే ఆ సినిమాలో ఈ బ్యూటీ పాత్ర గురించి ప్రకటన రావాల్సి ఉంది.
swarna boddula
Desk
