ప్రభాస్-ప్రశాంత్ వర్మ సినిమా టైటిల్ ఇదే!

పాన్ ఇండియా స్టార్ ప్రభాస్ (Prabhas) వరుస సినిమాలతో బిజీగా ఉన్నాడు. ప్రస్తుతం ఈ హీరో చేతిలో ఎనిమిది ప్రాజెక్టులున్నాయి. ఇటీవలే హను-మాన్ డైరెక్టర్ ప్రశాంత్ వర్మ (Prasanth Varma)తో ప్రభాస్ ఓ చిత్రం చేసేందుకు గ్రీన్ సిగ్నల్ ఇచ్చినట్లు వార్తలొచ్చిన విషయం తెలిసిందే. ఈ సినిమాను మైత్రీ మూవీ మేకర్స్ నిర్మించనుందట. అయితే ఈ మూవీకి బ్రహ్మరాక్షస్ అనే టైటిల్ పెట్టనున్నట్లు ఇటీవల వార్తలు వైరల్ అయ్యాయి. కానీ ఆ చిత్రానికి మరో కొత్త టైటిల్ పెట్టాలని మేకర్స్ ఫిక్స్ అయ్యారట. మరి ఆ టైటిల్ ఏంటంటే..?

బకాసురిడి కథతో ప్రభాస్

ప్రశాంత్ వర్మ సినిమాటిక్ యూనివర్స్ (PVCU)లో భాగంగా ఈ యంగ్ డైరెక్టర్ ఇప్పటికే హను-మాన్ (Hanu Man) చిత్రాన్ని ప్రేక్షకుల ముందుకు తీసుకువచ్చాడు. మరో 11 సినిమాలు ఈ యూనివర్స్ లో భాగంగా వస్తాయని ఇప్పటికే చెప్పిన విషయం తెలిసిందే. అందులో భాగంగా హను-మాన్ సీక్వెల్ గా జై హనుమాన్ (Jai HanuMan) మూవీని తీస్తున్నాడు. ఇక మన పురాణాలను నేటి తరానికి చెప్పాలని ఎంతో ఆరాటపడే ప్రశాంత్ వర్మ తాజాగా మహా భారతంలోని ఓ పవర్ ఫుల్ క్యారెక్టర్ నేపథ్యంతో సినిమా తెరకెక్కించాలని ప్లాన్ చేస్తున్నాడట.

బ్రహ్మరాక్షస్ కాదు బక

మహాభారతంలోని బకాసురుడి కథ (Bakasurudu) ఆధారంగా ప్రశాంత్ వర్మ తన కొత్త చిత్రాన్ని తెరకెక్కించనున్నాడట. ప్రభాస్ కు ఈ కథనే వినిపించగా అందులో నటించేందుకు డార్లింగ్ ఓకే చెప్పాడట. అయితే మొదట బ్రహ్మ రాక్షస్ అనే టైటిల్ అనుకున్నా తాజాగా ప్రభాస్, ప్రశాంత్ వర్మ సినిమాకు బక అనే టైటిల్ పెట్టాలని మేకర్స్ నిర్ణయించారట. వరుస ప్రాజెక్టులతో బిజీగా ఉన్నా ప్రభాస్ ‘బక (BAKA)’ సినిమా చేయడానికి ఓకే చెప్పాడంటే తనకు కథ బాగా నచ్చినట్లుందని రెబల్ స్టార్ ఫ్యాన్స్ అంటున్నారు.