Desk
నేచురల్ స్టార్ నాని(Nani) నటిస్తున్న భారీ యాక్షన్ డ్రామా ‘ది ప్యారడైజ్(The Paradise)’ సినిమా నుంచి ఫస్ట్ లుక్ పోస్టర్( first look poster) విడుదలైంది. దర్శకుడు శ్రీకాంత్ ఓదెల(Srikanth Odela) రూపొందిస్తున్న ఈ చిత్రం, ‘దసరా’ విజయం తర్వాత నాని-శ్రీకాంత్ కాంబోలో రాబోతున్న రెండో చిత్రం. కాగా ‘ది ప్యారడైజ్’ నుంచి రిలీజ్ అయిన ఈ పోస్టర్లో నాని విభిన్నమైన గ్యాంగ్స్టర్ లుక్లో కనిపిస్తున్నాడు. ఇందులో ఆయన ‘జడల్(Jadal)’ పాత్రలో కనిపించనున్నట్లు వెల్లడించారు. ‘ఇది ఒక అల్లికగా ప్రారంభమై.. విప్లవంగా ముగిసింది’ అని పేర్కొన్నారు. వచ్చే ఏడాది మార్చి 26న ఈ సినిమా ప్రేక్షకులను పలకరించనుంది. తెలుగు, తమిళ, కన్నడ, మలయాళ, బెంగాలీతోపాటు… మొత్తం 8 భాషల్లో ఈ సినిమా ప్రేక్షకుల ముందుకురానుంది.
Presenting to you all – ‘Jadal’.
This time, my hero, @NameisNani anna ❤️ will walk into hell and turn it into #TheParadise
March 26th, 2026 in Cinemas Worldwide. pic.twitter.com/LNtUz9hOkH
— Srikanth Odela (@odela_srikanth) August 8, 2025
1980-90ల సమయంలో సాగే కథగా..
హైదరాబాద్(Hyderabad) గ్యాంగ్స్టర్ నేపథ్యంలో 1980-90ల సమయంలో సాగే కథగా ఈ మూవీ ఉంటుందని సమాచారం. ఎస్ఎల్వీ సినిమాస్ బ్యానర్పై సుధాకర్ చెరుకూరి నిర్మిస్తున్న ఈ చిత్రంలో మోహన్ బాబు, రాఘవ్ జుయల్, కయాదు లోహార్ కీలక పాత్రల్లో నటిస్తున్నారు. అనిరుధ్ రవిచందర్ సంగీతం అందిస్తున్నారు. కాగా తాజాగా ఫస్ట్ లుక్తో సినిమాపై అంచనాలు రెట్టింపు అయ్యాయి. ఇక రెండో లుక్ ఈరోజు సాయంత్రం విడుదల చేయనున్నట్లు డైరెక్టర్ తెలిపారు.
admin
swarna boddula
