Sarzameen: ఉగ్రవాదిగా సైఫ్​ కొడుకు.. ఆసక్తికరంగా ‘సర్​జమీన్​’ ట్రైలర్​

సలార్​తోపాటు పలు చిత్రాల్లో తెలుగు ప్రేక్షకులను సైతం అలరించిన మలయాళ స్టార్​ హీరో పృథ్వీరాజ్​ సుకుమారన్​ (Prithviraj Sukumaran) బాలీవుడ్​లోకి ఎంట్రీ ఇస్తున్న మూవీ ‘సర్‌జమీన్‌’ (Sarzameen). పృథ్వీరాజ్​కు భార్యగా సీనియర్​ నటి కాజోల్ (Kajol)​ నటిస్తోంది. అయితే బాలీవుడ్​లో హీరోగా ఎంట్రీ ఇస్తాడని భావించిన సైఫ్​ అలీఖాన్​ కుమారుడు ఇబ్రహీం అలీఖాన్‌ (Ibrahim Ali Khan) ఇందులో టెర్రరిస్ట్​ గా విలన్​ రోల్​ పోషిస్తుండడం ఆసక్తిని రేపుతోంది. ఈ మూవీ నేరుగా ఓటీటీలో రిలీజ్​ కానుంది. జులై 25 నుంచి జియో హాట్‌స్టార్‌ వేదికగా ఈ చిత్రం అందుబాటులోకి రానుంది.

Loved it. #Sarzameen trailer pleasantly surprised me.https://t.co/C9ALWAN58n

— Navneet Mundhra (@navneet_mundhra) July 4, 2025

ఈ నేపథ్యంలో తాజాగా మూవీ ట్రైలర్‌ను మేకర్స్‌ రిలీజ్ చేశారు. ఇందులో పృథ్వీరాజ్‌ ఆర్మీ ఆఫీసర్‌గా కనిపించగా.. ఆయన భార్య మీరా పాత్రలో కాజోల్‌ నటించారు. వారి కుమారుడు ఇబ్రహీం చిన్నతనంలోనే ఇంట్లో నుంచి పారిపోయి ఉగ్రవాదిగా మారనున్నట్లు ట్రైలర్​ చూస్తే అర్థమవుతోంది. తండ్రి ఆర్మీ ఆఫీసర్​గా, కొడుకు ఉగ్రవాదిగా సాగే చిత్రంగా కనిపిస్తోంది. కరణ్​ జోహార్​ నిర్మిస్తున్న ఈ మూవీని కాయోజే ఇరానీ(Kayoje Irani) డైరెక్ట్​ చేస్తున్నారు. ఆసక్తిని రేపుతున్న ట్రైలర్​ను మీరూ చూసేయండి.