adminMana Enadu : ఐకాన్ స్టార్ అల్లు అర్జున్ (Allu Arjun) హీరోగా సుకుమార్ దర్శకత్వంలో తెరకెక్కిన యాక్షన్ థ్రిల్లర్ ‘పుష్ప: ది రూల్’ (Pushpa 2). రష్మిక మందన్న హీరోయిన్ గా నటించిన ఈ సినిమా డిసెంబరు 5న ప్రేక్షకుల ముందుకు వచ్చింది. ప్రీ సేల్ బుకింగ్స్లోనే హవా చూపిన ఈ సినిమా మొదటిరోజు వసూళ్లలోనూ రికార్డు సృష్టించింది. డిసెంబర్ 4 రాత్రి నుంచి థియేటర్లలో సందడి చేసిన ‘పుష్ప 2’ కలెక్షన్ల పరంగా ఓవర్సీస్లోనూ నంబర్ వన్ గా కొనసాగుతోంది.
ఫస్ట్ డే రూ.175 కోట్లు
అయితే తొలిరోజు పుష్పరాజ్ ప్రపంచవ్యాప్తంగా రూ.175 కోట్లు వసూలు చేశాడని ట్రేడ్ వర్గాల అంచనా(Pushpa 2 First Day Collection). ఇందులో రెండు తెలుగు రాష్ట్రాల నుంచే అధిక కలెక్షన్లు ఉన్నట్లు సమాచారం. ఇక అమెరికాలో ఫస్ట్ డే దాదాపు 4.2 మిలియన్ల డాలర్లు (రూ.35 కోట్లు పైన) వసూలు చేసినట్లు మైత్రీ మూవీ మేకర్స్ తెలిపింది. అగ్రరాజ్యంలో ఈ రేంజులో వసూళ్లు సాధించిన మూడో భారతీయ చిత్రం ‘పుష్ప 2’ అని తెలిపింది.
కల్కి రికార్డు బ్రేక్ చేసిన పుష్పరాజ్
మరోవైపు ప్రీ సేల్ బుకింగ్స్ నుంచే బుక్ మై షోలో దూసుకుపోతోన్న ‘పుష్ప 2’ టికెట్లు ఈ ప్లాట్ఫామ్పై ఒక్క గంటలోనే లక్ష టికెట్స్ అమ్ముడుపోయాయి. గతంలో ప్రభాస్ ‘కల్కి 2898 ఏడీ (Kalki 2898 AD)’ సినిమా గంటలో 97,700 టికెట్స్తో టాప్లో ఉండగా పుష్పరాజ్ ఆ మార్క్ను పుష్పరాజ్ దాటేసి సరికొత్త రికార్డు లిఖించాడు.
ఇక పుష్ప-2 సినిమా సంగతికి వస్తే ఈ చిత్రంలో ఐకాన్ స్టార్ అల్లు అర్జున్ పుష్పరాజ్ పాత్రలో మెరిశాడు. రష్మిక మందన్న శ్రీవల్లి పాత్రలో నటించగా సుకుమార్ (Sukumar) దర్శకత్వం వహించాడు. మైత్రీ మూవీ మేకర్స్ నిర్మించిన ఈ చిత్రానికి దేవీ శ్రీ ప్రసాద్ స్వరాలు అందించాడు. ఫహాద్ ఫాజిల్, జగపతి బాబు, రావు రమేశ్, సునీల్, అనసూయ, జగదీశ్ కీలక పాత్రల్లో నటించారు. శ్రీలీల స్పెషల్ సాంగులో తళుక్కుమని మెరిసింది.
swarna boddula
Desk
