adminMana Enadu : పాన్ ఇండియా స్టార్ ప్రభాస్ (Prabhas) లైనప్ లో దాదాపు అరడజను సినిమాలున్నాయి. అందులో ముందుగా ఆయన మారుతి దర్శకత్వంలో వస్తున్న ‘ది రాజా సాబ్ (The Raja Saab)’ షూటింగులో బిజీగా ఉన్నాడు. ప్రస్తుతం ఈ సినిమా షూటింగ్ వేగంగా జరుగుతోంది. దాదాపుగా షూటింగ్ ముగింపు దశకు చేరుకున్నట్లు సమాచారం. అయితే ఈ సినిమా గురించి తాజాగా ఓ క్రేజీ అప్డేట్ సోషల్ మీడియాలో బాగా వైరల్ అవుతోంది. ఇంతకీ ఆ అప్డేట్ ఏంటంటే..?
ప్రభాస్ తో లేడీ సూపర్ స్టార్
ఈ సినిమాలో ఓ స్పెషల్ సాంగ్ పెట్టాలని మేకర్స్ ప్లాన్ చేస్తున్నారు. ఈ సాంగులో ప్రభాస్ తో ఓ స్టార్ హీరోయిన్ స్టెప్పులు వేయనున్నట్లు సమాచారం. తాజాగా ఈ విషయంపై నెట్టింట చర్చ నడుస్తోంది. ఆ స్టార్ బ్యూటీ ఎవరో కాదని.. ఏకంగా లేడీ సూపర్ స్టార్ నయనతార(Nayanthara)తో ప్రభాస్ స్పెషల్ సాంగ్ ఉంటుందని టాక్. ఈ సినిమాలో స్పెషల్ సాంగ్ చేయమని ఇప్పటికే నయన్ ను మేకర్స్ అప్రోచ్ అవ్వగా ఆమె దానికి గ్రీన్ సిగ్నల్ ఇచ్చినట్లు సమాచారం.
17 ఏళ్ల తర్వాత కాంబో రిపీట్
ఇదే జరిగితే ప్రభాస్-నయనతార కలిసి దాదాపు 17 ఏళ్ల తర్వాత వెండితెరపై కలిసి కనిపించబోతున్నట్టు. 2007లో ‘యోగి (Prabhas Yogi)’ సినిమాలో ఈ జంట కలిసి నటించిన విషయం తెలిసిందే. ఇప్పుడు 17 ఏళ్ల తర్వాత ది రాజా సాబ్ తో మరోసారి తెరపై కనువిందు చేయనున్నారు. ఈ విషయం తెలిసి అభిమానులు ఫుల్ ఖుష్ అవుతున్నారు. ఇది నిజమైతే బాగుంటుందని మేకర్స్ రిక్వెస్టు పెడుతున్నారు. అయితే రాజాసాబ్ లో ఈ స్పెషల్ సాంగ్ షూటింగ్ వచ్చే నెలలో జరిగే అవకాశం ఉందని సమాచారం.
https://www.youtube.com/watch?v=fPLzesuwNxg
రాజాసాబ్ లో ముగ్గురు భామలు
ది రాజా సాబ్ సినిమా సంగతికి వస్తే ప్రభాస్ హీరోగా నటిస్తున్న ఈ సినిమాలో ముగ్గురు భామలు హీరోయిన్లుగా సందడి చేయనున్నారు. మలయాళ కుట్టి మాళవిక మోహనన్ (Malavika Mohanan), నిధి అగర్వాల్, రిద్ది కుమార్ ఇందులో నటిస్తున్నారు. బాలీవుడ్ స్టార్ నటుడు సంజయ్ దత్ కీలక పాత్రలో మెరవనున్నారు. ఈ సినిమాకు మ్యూజిక్ సెన్సేషన్ థమన్ సంగీతం అందిస్తున్నారు.
swarna boddula
Desk
