దీపావళికి రామ్ చ‌ర‌ణ్ ‘గేమ్ ఛేంజర్’ టీజ‌ర్?

ManaEnadu:‘గేమ్ ఛేంజర్’ టీజ‌ర్ ఎప్పుడు వ‌స్తుందా అని వెయిట్ చేస్తున్న మెగా ఫ్యాన్స్‌కు మేక‌ర్స్ గుడ్ న్యూస్ చెప్ప‌బోతున్న‌ట్లు స‌మాచారం. ఈ మూవీ టీజ‌ర్‌ను దీపావళికి ప్లాన్ చేస్తున్న‌ట్లు టాక్. కాగా దీనిపై అధికారిక ప్ర‌క‌ట‌న రావాల్సి ఉంది. గ్లోబ‌ల్ స్టార్ రామ్ చ‌ర‌ణ్ తేజ్‌, దిగ్గ‌జ ద‌ర్శ‌కుడు శంక‌ర్ కాంబినేష‌న్‌లో వ‌స్తున్న తాజా చిత్రం గేమ్ ఛేంజర్. ఈ సినిమాను అగ్ర నిర్మాత దిల్ రాజు నిర్మిస్తుండ‌గా తమ‌న్ సంగీతం అందిస్తున్నాడు. ఈ సినిమా సంక్రాంతి కానుక‌గా జ‌న‌వ‌రి 10న ప్రేక్ష‌కుల ముందుకు రానుంది. అయితే ఈ మూవీ టీజ‌ర్ కోసం మెగా అభిమానుల‌తో పాటు మూవీ ల‌వ‌ర్స్ ఎదురుచూస్తున్న విష‌యం తెలిసిందే. ముందుగా ద‌స‌రా కానుక‌గా టీజ‌ర్‌ను విడుద‌ల చేద్దామని చిత్ర యూనిట్ భావించింది. కానీ అనుకోని కార‌ణాల వ‌ల‌న వాయిదా ప‌డింది. ఇప్పుడు దీపావ‌ళి కానుక‌గా ఈ టీజ‌ర్ విడుద‌ల చేయ‌డానికి మేక‌ర్స్ ప్లాన్ చేస్తున్న‌ట్లు స‌మాచారం.

RRR తర్వాత రామ్ చరణ్ సోలో హీరోగా వస్తున్న మూవీ కావడంతో దీనిపై భారీ అంచనాలు నెలకొన్నాయి. అటు శంకర్ తన గత చిత్రం ‘భారతీయుడు2’ అంచనాలు అందుకోలేకపోయింది. దీంతో ఈ సినిమాపై ఆయన రెట్టింపు ఫోకస్ పెట్టే ఛాన్సుంది. అటు భారీ బ‌డ్జెట్‌తో రాబోతున్న ఈ చిత్రంలో బాలీవుడ్ బ్యూటీ కియార అద్వానీ హీరోయిన్ న‌టిస్తుండ‌గా సునీల్, ఎస్ జే సూర్య కీల‌క పాత్ర‌ల్లో న‌టిస్తున్నారు.