Desk
ఆన్‌స్క్రీన్‌ జోడీ విజయ్ దేవరకొండ (Vijay Deverakonda), రష్మిక (Rashmika) మరోసారి జంటగా కనిపించారు. ‘గీత గోవిందం’, ‘డియర్‌ కామ్రేడ్‌’ సినిమాల్లో కలిసి నటించిన వీరు ఆ తర్వాత ప్రేమలో పడినట్లు ఎంతో కాలంగా వార్తలు వస్తున్న విషయం తెలిసిందే. ఆ తర్వాత బీచ్లు, హోటళ్లు ఇలా పలు చోట్ల కలిసి కనిపించడంతో వీరి మధ్య ప్రేమాయణం సాగుతోందని అందరూ భావిస్తున్నారు. తాజాగా ఈ జోడీ ముంబయి విమానాశ్రయంలో కలిసి కనిపించారు. రష్మిక, విజయ్ ఒకే కారులో పక్కపక్కన కూర్చొని ప్రయాణించారు. ఈ దృశ్యాలను ఫొటోగ్రాఫర్‌లు క్లిక్‌ మనిపించారు. ప్రస్తుతం ఈ ఫొటోలు సోషల్ మీడియాలో వైరల్‌గా మారాయి.
పీరియాడిక్‌ యాక్షన్ థ్రిల్లర్‌గా..
విజయ్ దేవరకొండ ప్రస్తుతం ‘కింగ్డమ్’(Kingdom) మూవీతో పనుల్లో బిజీగా ఉన్నారు. ఇప్పటికే రిలీజ్ కావాల్సిన ఈ మూవీ పలు కారణాలతో వాయిదా పడుతూ వస్తోంది. ఎట్టకేలకు జులై 4న విడుదల చేస్తామని చిత్రబృందం పేర్కొంది. దీనితో పాటు రాహుల్ సంకృత్యాన్‌ దర్శకత్వంలో ఓ సినిమా చేస్తున్నాడు విజయ్. పీరియాడిక్‌ యాక్షన్ థ్రిల్లర్‌గా రానున్న ఈ సినిమాలో రష్మిక కథానాయికగా కనిపించనున్నట్లు వార్తలు వస్తున్నాయి. ఇదే నిజమైతే ముచ్చటగా మూడోసారి ఈ జోడీని స్క్రీన్పై చూడొచ్చు. ఇక రష్మిక నటించిన ‘కుబేర’ (Kuberaa) ఈ నెల 20న విడుదలకు సిద్ధమవుతోంది.
admin
swarna boddula
