Schools Open: ఇవాళ్టి నుంచి స్కూల్స్ ఓపెన్.. ఈ ఏడాది సెలవులు ఎన్నంటే?

తెలుగు రాష్ట్రాల్లో ఇవాళ్టి నుంచి (జూన్ 12, 2025) పాఠశాలలు పునఃప్రారంభం(Schools Re-open) కానున్నాయి. 2025-26 విద్యా సంవత్సరాని(academic year)కి సంబంధించి AP, తెలంగాణ పాఠశాల విద్యాశాఖలు అన్ని ఏర్పాట్లు చేశాయి. ప్రభుత్వ విద్యార్థులకు యూనిఫాం, బూట్లు, సాక్సులు, పాఠ్యపుస్తకాలు, నోట్‌ పుస్తకాలు, బెల్టు తదితర వస్తువులు అందిచనున్నారు.. అలాగే పాఠశాలల్లో నేటి నుంచి సంసిద్ధత కార్యక్రమాలు చేపడతారు. అడ్మిషన్ల ప్రక్రియ ప్రారంభిస్తారు.

పాఠశాలల పనివేళలు ఇలా..

ఈ విద్యా సంవత్సరంలో ఏపీలో 233 రోజులు స్కూల్స్ నిర్వహిస్తారు. 83 రోజులు వివిధ రూపాల్లో సెలవులు ఉంటాయి. తెలంగాణ(Telangana)లో మొత్తం 230 పనిదినాలుగా ఖరారు చేశారు. ఇక ప్రాథమిక పాఠశాలలు ఉదయం 9 గంటల నుంచి సాయంత్రం 4 వరకు నడుస్తాయి. ఇక ప్రాథమికోన్నత, ఉన్నత పాఠశాలలు ఉదయం 9 నుంచి సాయంత్రం 4:15 గంటల వరకు నడవనున్నట్లు విద్యాశాఖ(Department of Education) పేర్కొంది.

తెలంగాణలో సెలవులు ఇలా..

* దసరా 2025 సెలవులు.. సెప్టెంబర్‌ 21 నుంచి అక్టోబర్‌ 3 వరకు మొత్తం 13 రోజులు.
* క్రిస్మస్‌ 2025 సెలవులు.. డిసెంబర్‌ 23 నుంచి డిసెంబర్ 27 వరకు మొత్తం 5 రోజులు.
* సంక్రాంతి 2026 సెలవులు.. 11 జనవరి, 2026 నుంచి 15 జనవరి, 2026 వరకు మొత్తం 5 రోజులు.
* వేసవి 2026 సెలవులు.. మార్చి 24 నుంచి జూన్‌ 11 వరకు.

ఆంధ్రప్రదేశ్‌లో హాలిడేస్ ఇలా..

ప్రభుత్వ పాఠశాలలకు 2025-26 విద్యా సంవత్సరంలో 233 రోజులు పనిదినాలు, 83 సెలవులు ఉంటాయి.
* దసరా 2025 సెలవులు: సెప్టెంబరు 24 – అక్టోబరు 2.
* క్రిస్మస్‌ 2025 సెలవులు: డిసెంబరు 25.
* సంక్రాంతి 2026 సెలవులు: జనవరి 10- 18.
అలాగే మైనారిటీ విద్యాసంస్థలకు దసరా సెలవులు సెప్టెంబరు 27 నుంచి అక్టోబరు 2వరకు ఇస్తారు. క్రిస్మస్‌ సెలవులు డిసెంబరు 21 నుంచి 28 వరకు ఉంటాయి. సంక్రాంతి సెలవులు జనవరి 10 నుంచి 15 వరకు ఉంటాయి.