Desk
సృష్టి ఫర్టిలిటీ సెంటర్ సరోగసీ కేసు(Srushti Case)లో కొత్త విషయాలు వెలుగులోకి వచ్చాయి. ఈ కేసులో చైల్డ్ ట్రాఫికింగ్(Child trafficking), సరోగసీ మోసాల(Surrogacy scams)పై పోలీసులు లోతుగా దర్యాప్తు చేస్తున్నారు. దర్యాప్తులో భాగంగా డా. నమ్రత(Dr Namratha)కు చైల్డ్ ట్రాఫికింగ్ ముఠాలతో సంబంధాలు ఉన్నట్లు గుర్తించారు. ఏజెంట్ల(Agents) సహాయంతో ఈ చట్ట వ్యతిరేక కార్యకలాపాలను నిర్వహించినట్లు పోలీసులు నిర్ధారించారు. ఈ కేసులో మరిన్ని వివరాలు బయటపడతాయని భావిస్తున్నారు. డా. నమ్రత ముఠా చైల్డ్ ట్రాఫికింగ్ కార్యకలాపాలు దేశంలోని పలు రాష్ట్రాలకు విస్తరించినట్లు తెలుస్తోంది.
ముఖ్యంగా అస్సాం, బిహార్, ముంబై, రాజస్థాన్ వంటి రాష్ట్రాల నుంచి అక్రమంగా పిల్లలను తీసుకొచ్చినట్లు తేల్చారు. ఈ ట్రాఫికింగ్లో ఎంతమంది ఏజెంట్లు, డాక్టర్లు, ఇతర వ్యక్తులు ఉన్నారనే దానిపై పోలీసులు దర్యాప్తు కొనసాగిస్తున్నారు. అయితే ఇప్పటి వరకూ ఈ కేసులో నలుగురిని పోలీసులు అరెస్టు చేసిన విషయం తెలిసిందే. ఇంకా ఈ కేసులో మరింత లోతుగా వెళ్తే దేశవ్యాప్తంగా ఉన్న అక్రమ ముఠాల గురించి బయటపడే అవకాశం ఉంది.
#Hyderabad—#SurrogacyRacket: Dr. Namratha in 5-day custody after medical test
Following medical examination, #police have taken Dr. Namratha (#SrushtiFertilityCentre) into 5-day custody in connection with the illegal surrogacy case.
Earlier, she alleged police harassment… pic.twitter.com/x7w9nhejKl
— NewsMeter (@NewsMeter_In) August 1, 2025
ఇక పోలీసుల విచారణలో డాక్టర్ నమ్రత దాదాపు 80 ఫేక్ సరోగసీ కేసుల(Fake surrogacy cases)ను నిర్వహించినట్లు అంగీకరించారని సమాచారం. ఈ కేసులు కేవలం చైల్డ్ ట్రాఫికింగ్కు మాటుగా ఉపయోగపడ్డాయని పోలీసులు అనుమానిస్తున్నారు. ఈ మొత్తం వ్యవహారం ఎంతకాలం నుంచి నడుస్తోంది, ఎంతమంది ఇందులో బాధితులుగా ఉన్నారనే వివరాలపై పోలీసులు దృష్టి పెట్టారు. ఈ కేసు విచారణ(investigation) పూర్తయితే ఈ మోసాల వెనుక ఉన్న పూర్తి వివరాలు బయటపడే అవకాశం ఉంది.
swarna boddula
admin
