‘మజాకా’ నుంచి ‘సొమ్మసిల్లి పోతున్నవే ఓచిన్న రాములమ్మ’ సాంగ్ ఔట్

టాలీవుడ్ యంగ్ హీరో సందీప్ కిషన్ (Sandeep Kishan), రీతూ వర్మ జంటగా నటించిన లేటెస్ట్ చిత్రం ‘మజాకా (Mazaka)’. ఈ సినిమా అనౌన్స్ మెంట్ నుంచి చిత్రబృందం నిత్యం వార్తల్లో నిలుస్తోంది. ఇక సినిమా ప్రమోషన్స్ ను నెవ్వర్ బిఫోర్ ఎవ్వర్ ఆఫ్టర్ అనే విధంగా వినూత్న రీతిలో చేస్తోంది. ఇటీవలే ఈ సినిమాలో ఓ పాట షూటింగును లైవ్ రికార్డు చేసి ప్రేక్షకుల కోసం రిలీజ్ చేసింది. ఇక తాజాగా ఈ సినిమా నుంచి ‘సొమ్మసిల్లి పోతున్నవే ఓచిన్న రాములమ్మ’ను విడుదల చేసింది.

సొమ్మసిల్లి పోతున్నవే ఓచిన్న రాములమ్మ

‘సొమ్మసిల్లి పోతున్నవే ఓచిన్న రాములమ్మ’ (Sommasilli Pothunnave O Chinni Ramulamma).. పాట యూట్యూబ్‌లో ఎంతటి సెన్సేషన్ క్రియేట్ చేసిందో అందరికీ తెలిసిందే. 2022లో రిలీజైన ఈ పాట 280+ మిలియన్‌ (28 కోట్లకుపైగా) వ్యూస్‌ సాధించి రికార్డు క్రియేట్ చేసింది. ఇక ఇప్పుడు ఇదే పాటను రీ క్రియేట్ చేసింది మజాకా టీమ్. ఈ నెల 26వ తేదీన ఈ సినిమా విడుదల కానున్న సందర్భంగా తాజాగా మేకర్స్ ఈ పాటను రిలీజ్‌ చేశారు.

అన్షు రీ ఎంట్రీ

ఈ పాటకు లియోన్‌ జేమ్స్‌ మ్యూజిక్ కంపోజ్ చేయగా యంగ్ టాలెంట్ రేవంత్ (Singer Revanth) ఈ పాటను పాడారు. రాము రాథోడ్‌, ప్రసన్నకుమార్‌ బెజవాడ ఈ పాటకు లిరిక్స్ అందించారు. సందీప్‌ కిషన్‌ (Sundeep Kishan), రీతూ వర్మ (Ritu Varma) జంటగా దర్శకుడు త్రినాథరావు నక్కిన ఈ సినిమాను రూపొందించారు. ఈ సినిమాతో మన్మథుడు ఫేం అన్షు తెలుగు తెరపైకి రీ ఎంట్రీ ఇస్తోంది. రావు రమేశ్, మురళీ శర్మ ఈ చిత్రంలో కీలక పాత్రలు నటిస్తున్నారు.