admin
మెగాస్టార్ చిరంజీవి (Chiranjeevi) మాతృమూర్తి అంజనాదేవి ఆరోగ్యంపై ఇవాళ పలు వార్తలు వైరల్ అయిన విషయం తెలిసిందే. ఆమె హైబీపీతో ఆస్పత్రిలో చేరారంటూ పలు మీడియా సంస్థలు వార్తలు ప్రచురించాయి. అయితే ఈ వార్తలపై మెగాస్టార్ చిరంజీవి క్లారిటీ ఇచ్చారు. తన మాతృమూర్తి అంజనాదేవి (Anjana Devi) సంపూర్ణ ఆరోగ్యంతో ఉన్నారని ఆయన స్పష్టం చేశారు. ఆమె అస్వస్థతకు గురయ్యారంటూ వస్తున్న వార్తల్లో నిజం లేదని చెబుతూ.. ఆయన ఎక్స్ వేదికగా పోస్ట్‌ పెట్టారు.
అవాస్తవాలు రాయొద్దు
“మా అమ్మ ఆరోగ్యం సరిగా లేదని, ఆస్పత్రిలో చికిత్స పొందుతున్నారని కొన్ని వార్తలు వచ్చినట్లు నా దృష్టికి వచ్చింది. ఈ విషయంపై నేను క్లారిటీ ఇవ్వాలని అనుకుంటున్నాను. రెండు రోజులుగా ఆమె ఒంట్లో కాస్త నలతగా మాత్రమే ఉంది. ప్రస్తుతం ఆమె ఆరోగ్యంగా ఉన్నారు. ఆమె ఆరోగ్యానికి సంబంధించి, దయచేసి ఊహాజనిత వార్తలను ప్రచురించవద్దు. ఈ విషయంలో నేను మీడియాకు విజ్ఞప్తి చేస్తున్నా. అవాస్తవాలు ప్రచారం చేయకండి. మీరంతా అర్థం చేసుకుంటారని భావిస్తున్నాను. అంటూ చిరంజీవి ఎక్స్ లో పోస్టు పెట్టారు.
My attention is drawn to some media reports claiming our mother is unwell and is hospitalised. Want to clarify that she was a little indisposed for a couple of days. She is hale and hearty and is perfectly alright now.
Appeal to all media not to publish any speculative reports…
— Chiranjeevi Konidela (@KChiruTweets) February 21, 2025
అమ్మ ఆరోగ్యంగా ఉంది
ఇక అంజనాదేవి ఆరోగ్యంపై ఉదయం నుంచి సోషల్ మీడియాలో వార్తలు రావడంతో పలు మీడియా సంస్థలు కూడా ఈ వార్తలను ప్రచురించాయి. ఈ నేపథ్యంలో దీనిపై చిరంజీవి టీమ్‌ ఇప్పటికే క్లారిటీ ఇస్తూ.. సాధారణ ఆరోగ్య పరీక్షల్లో భాగంగా మాత్రమే ఆమెను గత వారం ఆస్పత్రికి తీసుకెళ్లినట్లు తెలిపింది. ప్రస్తుతం ఆమె ఆరోగ్యం బాగానే ఉందని వివరించింది. తాజాగా చిరంజీవి కూడా ఈ విషయంపై క్లారిటీ ఇవ్వడంతో అంజనాదేవి ఆరోగ్యంపై వస్తున్న ఊహాగానాలకు తెరపడింది.
Desk
swarna boddula