Earthquake: ఢిల్లీలో భూప్రకంపనలు.. పరుగులు తీసిన జనం

దేశ రాజధాని ఢిల్లీ(Delhi)లో ఈ రోజు (జులై 10) ఉదయం భూకంప ప్రకంపనలు(Earthquake tremors) సంభవించాయి. రిక్టర్ స్కేల్‌(Richter scale)పై ఈ భూకంపం తీవ్రత 4.4గా నమోదైంది. ఢిల్లీ-NCRతో పాటు హరియాణా, ఉత్తర ప్రదేశ్‌(UP)లోని కొన్ని ప్రాంతాల్లో కూడా భూప్రకంపనలు చోటుచేసుకున్నాయి.
భూకంప కేంద్రం హరియాణాలోని రోహ్‌తక్‌(Rohtak) సమీపంలో ఉన్నట్లు నేషనల్ సెంటర్ ఫర్ సీస్మాలజీ (NCS) తెలిపింది. గురువారం ఉదయం 9:30 గంటల సమయంలో ఈ ప్రకంపనలు కొన్ని సెకన్లపాటు కొనసాగాయి. దీంతో స్థానికులు భయాందోళనకు గురై ఇళ్లు, కార్యాలయాల నుంచి బయటకు పరుగులు తీశారు.

గతంలో కూడా స్వల్ప భూకంపాలు

ప్రాథమిక సమాచారం ప్రకారం, ఈ భూకంపం వల్ల ఎలాంటి ప్రాణనష్టం లేదా ఆస్తి నష్టం సంభవించలేదు. అయితే, ఢిల్లీ జోన్ IVలో ఉన్న భూకంప ప్రమాద ప్రాంతంగా గుర్తించారు. ఇక్కడ గతంలో కూడా స్వల్ప భూకంపాలు నమోదయ్యాయి. కాగా ఢిల్లీ, NCR ప్రాంతాలు హిమాలయ టెక్టానిక్ ప్లేట్ల(Tectonic plates) సమీపంలో ఉండటం వల్ల తరచూ స్వల్ప భూకంపాలకు గురవుతున్నాయి. నిపుణుల అభిప్రాయం ప్రకారం ఈ ప్రాంతంలో భౌగోళిక ఒత్తిళ్లు(Geological pressures) భూకంపాలకు కారణమవుతున్నాయి. ప్రజలు భయపడాల్సిన అవసరం లేదని, భూకంప సమయంలో భద్రతా చర్యలు పాటించాలని అధికారులు సూచించారు.

EQ of M: 4.4, On: 10/07/2025 09:04:50 IST, Lat: 28.63 N, Long: 76.68 E, Depth: 10 Km, Location: Jhajjar, Haryana.
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/uDNjvD8rWT

— National Center for Seismology (@NCS_Earthquake) July 10, 2025