Holidays: ఎంజాయ్.. నేటి నుంచి స్కూళ్లకు వేసవి సెలవులు!

తెలుగు రాష్ట్రాల్లోని అన్ని పాఠశాలల(Schools)కు ఇవాళ్టి నుంచి సమ్మర్ హాలిడేస్(Summer Holidays) వచ్చేశాయి. దీంతో బుధవారం (ఏప్రిల్ 24) నుంచి  జూన్ 11 వరకూ ప్రభుత్వ(Govt), ప్రైవేటు(Private), ఎయిడెడ్, ఇతర గురుకులాలు మూతపడనున్నాయి. ఇక జూన్ 12 నుంచి కొత్త విద్యా సంవత్సరం(New Academic Year) 2025-26 ప్రారంభం కానుంది. కాగా ఈసారి విద్యార్థులకు మొత్తం 50 రోజులు పాటు స్కూళ్లకు వేస‌వి సెల‌వులుగా ప్రకటించారు. ఈ సందర్భంగా బడుల్లో పేరెంట్స్ సమావేశాలు(Parents’ meetings) నిర్వహించి, స్టూడెంట్లకు ప్రోగ్రెస్ కార్డులు(Progress Cards) అందజేశారు. సెలవుల్లో ప్రత్యేక క్లాసులు(Special Classes) నిర్వహించొద్దని అధికారులు హెచ్చరించారు.

ఆ ఉపాధ్యాయులంతా రిలీవ్

మరోవైపు విద్యా సంవత్సరం ముగియడంతో డిప్యుటేషన్ల(Deputations)పై పని చేస్తున్న ఉపాధ్యాయులు(Teachers) మంగళవారం విధుల నుంచి రిలీవ్‌ అయ్యారు. అటు 2025- 26 విద్యా సంవత్సరానికి ప్రభుత్వ పాఠశాలల్లో చదివే విద్యార్ధులకు అందించేందుకు కొత్త పాఠ్యపుస్తకాల(New Text Books) ముద్రణ కూడా ఇప్పటికే ప్రారంభమైంది. బడులు తెరిచిన తొలి రోజే అంటే జూన్ 12వ తేదీన విద్యార్ధులందరికీ పాఠ్యపుస్తకాలు పంపిణీ చేయనున్నారు.