swarna boddula
ప్రపంచవ్యాప్తంగా కోట్లాది మంది అభిమానులు ఆసక్తిగా ఎదురుచూస్తున్న హాలీవుడ్ భారీ చిత్రం ‘సూపర్మ్యాన్ (Superman): లెగసీ’(Legacy) ఈ నెల జూలై 11న థియేటర్లలో గ్రాండ్గా విడుదల కాబోతోంది. డీసీ స్టూడియోస్ (DC Studios) రూపొందించిన ఈ చిత్రం, DC యూనివర్స్ (DCU)లో నిర్మిస్తున్న తొలి చిత్రం కావడం విశేషం. అదే సమయంలో, సూపర్మ్యాన్ ఫిల్మ్ సిరీస్లో రెండో రీబూట్ కావడం విశేష ఆకర్షణగా నిలిచింది.
ఈ చిత్రంలో డేవిడ్ కోరెన్స్వెట్ (David Corenswet) కొత్తగా సూపర్మ్యాన్ పాత్రలో దర్శనమివ్వనుండగా, రాచెల్ బ్రాస్నహన్, నికోలస్ హౌల్ట్, ఈడి గతేగి, ఆంథోనీ కారిగన్, నాథన్ ఫిలియన్, ఇసాబెలా మెర్సిడ్ తదితర ప్రముఖులు కీలక పాత్రల్లో కనిపించనున్నారు. హాలీవుడ్కు చెందిన క్రియేటివ్ మాస్టర్ జేమ్స్ గన్ (James Gunn) దర్శకత్వం వహించడంతో ఈ చిత్రంపై ఉన్న అంచనాలు రెట్టింపయ్యాయి. అతను గతంలో ‘సూసైడ్ స్క్వాడ్’, ‘గార్డియన్స్ ఆఫ్ ద గెలక్సీ’ వంటి బ్లాక్బస్టర్ సినిమాలను తెరకెక్కించిన సంగతి తెలిసిందే.
ఇప్పటికే విడుదలైన టీజర్లు(Teasear), ట్రైలర్లు(Trailer) ప్రేక్షకుల్లో భారీ స్థాయిలో ఉత్సాహం రేకెత్తించాయి. ట్రైలర్లు ఒకదానికొకటి భిన్నంగా ఉండి విజువల్స్, స్టన్నింగ్ విలన్ ప్రెజెంటేషన్, యాక్షన్ సన్నివేశాలు ఆకట్టుకుంటున్నాయి. ముఖ్యంగా ఈ చిత్ర కథ తన వారసత్వాన్ని పునరుద్ధరించుకునే క్రమంలో ఒక యువ హీరో ప్రయాణంగా సాగుతుంది.
ఈ సినిమా తెలుగుతో పాటు భారతదేశంలోని ఇతర ప్రధాన భాషల్లోనూ డబ్బింగ్తో విడుదలవుతోంది. ఇప్పటికే అమెరికాలో ప్రివ్యూస్ జరిగి పాజిటివ్ రివ్యూస్ రావడంతో, ఈ చిత్రం కోసం గ్లోబల్ ఆడియెన్స్ ఎంతో ఆసక్తిగా ఎదురు చూస్తోంది.
admin
Desk
