అసెంబ్లీ సమావేశాలు ప్రారంభం.. హాజరైన ప్రతిపక్షనేత కేసీఆర్

తెలంగాణ బడ్జెట్ సమావేశాలు (Telangana Budget Sessions 2025) ప్రారంభమయ్యాయి.  ఉభయసభల సభ్యులను ఉద్దేశించి గవర్నర్ జిష్ణుదేవ్ వర్మ (Governor Speech) ప్రసంగిస్తున్నారు. గురువారం రోజున గవర్నర్ ప్రసంగానికి ధన్యవాదాలు తెలిపే తీర్మానంపై చర్చ, ప్రభుత్వ సమాధానం ఉంటుంది. ఇక ఇవాళ్టి సమావేశం తర్వాత బీఏసీ సమావేశం జరగనుంది. ఈ భేటీలో బడ్జెట్‌ సమావేశాలు ఎన్ని రోజులు నిర్వహించాలో నిర్ణయం తీసుకోనున్నారు.

అసెంబ్లీకి కేసీఆర్

నేటి అసెంబ్లీ సమావేశాలకు మాజీ సీఎం, ప్రతిపక్ష నేత కేసీఆర్ (KCR) హాజరయ్యారు. అంతకు ముందు హైదరాబాద్ నందినగర్‌లోని తన నివాసం నుంచి అసెంబ్లీకి బయల్దేరారు. అసెంబ్లీ ప్రాంగణంలో ఆయనకు బీఆర్ఎస్ నేతలు ఘనంగా స్వాగతం పలికారు. ఇక ఈ సెషన్ మొత్తం కేసీఆర్ వస్తారా? లేదా? కేవలం గవర్నర్ ప్రసంగం వరకే ఉంటారా? అనేది తెలియాల్సి ఉంది. ఇవాళ్టి అసెంబ్లీ సమావేశాల్లో కేసీఆర్ పాల్గొనడం గులాబీ నేతల్లో ఉత్సాహం నింపింది.

ప్రజలే కేంద్రంగా పాలన

ఇక సభ ప్రారంభమైన తర్వాత గవర్నర్ జిష్ణుదేవ్ వర్మ ప్రసంగిస్తూ.. తెలంగాణ ప్రజల కలల సాకారానికే ఈ బడ్జెట్‌ ప్రవేశపెట్టనున్నట్లు తెలిపారు. ప్రజలే కేంద్రంగా పాలన సాగుతోందని తెలిపారు. తమ ప్రభుత్వం రాష్ట్రాభివృద్ధికి కట్టుబడి ఉందని పునరుద్ఘాటించారు. రైతులు, మహిళలు, యువతకు అన్నివిధాలా సహకారం ఉంటుందని భరోసా కల్పించారు. అన్ని వర్గాల అభ్యున్నతికి ఈ ప్రభుత్వం కట్టుబడి ఉందని వివరించారు.

ఘన సంస్కృతికి నిలయం తెలంగాణ

“రైతుల అభివృద్ధి కోసం రాష్ట్ర ప్రభుత్వం ప్రత్యేక చర్యలు తీసుకుంటోంది. ఘనమైన సంస్కృతికి నిలయం తెలంగాణ. గద్దర్‌, అంజయ్య వంటి ఎందరో ప్రజల కోసం కృషి చేశారు. వారి సేవలకు గుర్తుగా వారిని స్మరించుకుంటూ.. మనందరిలో స్ఫూర్తిని నింపేలా పురస్కారాలు కూడా ఇస్తున్నాం. జననీ జయకేతనం రాష్ట్ర గీతంగా చేసుకున్నాం. సచివాలయంలో తెలంగాణ తల్లి విగ్రహం ఆవిష్కరించుకున్నాం. అభివృద్ధి, ప్రగతి వైపు తెలంగాణ అడుగులు వేస్తోంది.” అని గవర్నర్ తన ప్రసంగంలో పేర్కొన్నారు.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *