adminతెలంగాణ రాష్ట్రంలో సీఎం రేవంత్ రెడ్డి (CM Revanth Reddy) బాధ్యతలు స్వీకరించి ఏడాది పూర్తి చేసుకున్న సందర్భంగా ఎమోషనల్ ట్వీట్ చేశారు. ఏడాదిలో ప్రజా పాలన (Public Governance), ఏర్పాటు చేశామని తెలంగాణలో ని సమస్త ప్రజల ఆకాంక్షలకు అనుగుణంగా ప్రజా పాలన నిర్వహిస్తున్నట్లు పేర్కొన్నారు. ప్రజల ఆకాంక్షలు నెరవేర్చడమే లక్ష్యంగా పోరాటు, ఉద్యమాలు చేస్తున్నట్లు ఆయన ప్రకటించారు. ఈ సందర్భంగా ఏడాది పాలనపై చేసిన ట్వీట్ వైరల్ గా మారింది. ఆత్మబలిదానాలను, ఆకాంక్షలను, ఆశయాలను అన్నింటినీ కలిపి వీలునామాగా రాసి డిసెంబర్ 7, 2023 నాడు తెలంగాణ నా చేతుల్లో పెట్టిందని తెలిపారు. తన వారసత్వాన్ని సగర్వంగా… సమున్నతంగా ముందుకు తీసుకువెళ్లే బాధ్యతను అప్పగించిందని ఆన ఎక్స్ లో పోస్టు చేశారు.
జన సేవకుడిగా.. ప్రజా సంక్షేమ శ్రామికుడిగా..
ఆక్షణం నుండి జన సేవకుడిగా.. ప్రజా సంక్షేమ శ్రామికుడిగా మదిలో, విధిలో, నిర్ణయాల జడిలో.. సకల జనహితమే పరమావధిగా జాతి ఆత్మగౌరవమే ప్రాధాన్యతగా సహచరుల సహకారంతో… జనహితుల ప్రోత్సాహంతో విమర్శలను సహిస్తూ విద్వేషాలను ఎదురిస్తూ స్వేచ్ఛకు రెక్కలు తొడిగి.. ప్రజాస్వామ్యానికి రెడ్ కార్పెట్ పరిచి…అవనిపై అగ్ర భాగాన తెలంగాణను (Telangana Government) నిలిపేందుకు గొప్ప లక్ష్యాల వైపు నడుస్తూ నాలుగు కోట్ల ఆశయాలను నడిపిస్తూ నిరంతరం జ్వలించే ఈ మట్టి చైతన్యమే స్ఫూర్తిగా… విరామం ఎరుగక విశ్రాంతి కోరక ముందుకు సాగిపోతున్నానని సీఎం ఏడాది సందర్భంగా ఏమోషనల్ ట్వీట్ చేశారు.
ఏడాదిలో విజయాలు చెప్పుకునేలా
కాగా తెలంగాణలో (Telangana Government) ఏడాది పాలన పూర్తి చేసుకున్న కాంగ్రెస్ ప్రస్తుతం ప్రజా విజయోత్సవాలను నిర్వహిస్తోంది. డిసెంబర్ 9 నుంచి మూడు రోజుల పాటు ప్రత్యేకంగా కార్యక్రమాలు నిర్వహించనున్నారు. తెలంగాణ ఏర్పాటు కావడానికి కాంగ్రెస్ కారణమని ప్రజలకు వివరిస్తూ ఏడాది పాలనలో చేసిన రుణమాఫీ, మహాలక్ష్మీ పథకం, (Mahalakshmi Scheme,) ఆరోగ్య శ్రీ పథకంలో (Arogya Shri) రూ. 10 లక్షలకు పెంపు, నిరుద్యోగులకు ఉద్యోగాలు ఇలా ప్రతి దాంట్లో విజయాలు ప్రజలకు అర్థమయ్యేలా చెప్పాలని నిర్ణయించారు.
Desk
swarna boddula
