adminMana Enadu:పతా హై మై కౌన్ హూ.. ఉస్తాద్ ఇస్మార్ట్ శంకర్.. ఈ డైలాగ్ గుర్తుంది కదా. ఐదేళ్ల క్రితం టాలీవుడ్ చాక్లెట్ బాయ్ రామ్ పోతినేని తనలోని ఊర మాస్ యాంగిల్ ను ప్రేక్షకులకు పరిచయం చేసిన సినిమా ఇస్మార్ట్ శంకర్ మూవీలోది. ఆ సినిమాతో రామ్ బ్లాక్ బస్టర్ హిట్ కొట్టాడు. కెరీర్ లో ఒడిదొడుకులు ఎదుర్కొంటున్న డైరెక్టర్ పూరీ జగన్నాథ్ కు ఈ సినిమా కాస్త ఊరటనిచ్చింది. ఈ సినిమాకు వచ్చిన క్రేజ్ చూసి దీనికి సీక్వెల్ గా డబుల్ ఇస్మార్ట్ తో వస్తోంది రామ్ – పూరీ కాంబో. ఆగస్టు 15వ తేదీన ఈ సినిమా విడుదల కాబోతోంది. ఈ నేపథ్యంలో చిత్రబృందం ప్రమోషన్లతో బిజీబిజీగా ఉంది.
తాజాగా ముంబయి వేదికగా డబుల్ ఇస్మార్ట్ లోని బిగ్ బుల్ సాంగ్ ను రిలీజ్ చేశారు. ఈ ఈవెంట్ లో పాల్గొన్న రామ్ తన ఎనర్జిటిక్ స్పీచ్ తో అదరగొట్టారు. ఈ సినిమాలో తన మెంటల్, మాస్, మ్యాడ్ నెస్ ప్రేక్షకులకు చాలా నచ్చిందని అన్నారు. అయితే తన సినిమాలో పాత్ర అయిన శంకర్ లా బయట సొసైటీ ఉండాలనుకుంటే మాత్రం నడవదని.. అరగంటలో జైల్లో పెడతారని చెప్పుకొచ్చారు రామ్. సినిమాను సినిమాలాగే చూసి ఎంజాయ్ చేయాలని.. కేవలం తన సినిమా కమర్షియల్ గా ఎంజాయ్ చేయడానికే బాగుంటుందని తెలిపారు.
రామ్ మాట్లాడుతూ.. ‘‘డబుల్ ఇస్మార్ట్’లోని చాలా సీన్స్ ముంబయిలోనే షూట్ చేశాం. షూట్‌లో భాగంగా ముంబయిలోని వివిధ ప్రాంతాలకు వెళ్లినప్పుడు వారంతా ‘శంకర్.. శంకర్’ అని నన్ను పిలిచేవాళ్లు. ఈ సినిమాలో నా పాత్ర పిచ్చోడిలా ఉంటుంది. ఊర మాస్ గా ఉంటుంది. మీరు కనుక శంకర్‌లా ఉండాలనుకుంటే అరగంటలోనే జైల్లో ఉంటారు. కేవలం స్క్రీన్‌పై చూసి ఎంజాయ్ చేయండి అంతే కానీ ఫాలో అవ్వొద్దు.” అని రామ్ చెప్పుకొచ్చారు.
swarna boddula
Desk
