admin
మెగా లిటిల్ ప్రిన్సెస్ క్లీంకార (Klin kaara) కొత్త వీడియోను ఆమె తల్లి ఉపాసన కొణిదెల సోషల్ మీడియాలో పోస్టు చేశారు. ఈ వీడియోలో తన తండ్రి, గ్లోబల్ స్టార్ రామ్ చరణ్ (Ram Charan) ను స్క్రీన్ పై చూసిన క్లీంకారం కేరింతలు కొట్టింది. తన తండ్రిని మొదటి సారి స్క్రీన్ పై చూస్తోందంటూ ఉపాసన తన పోస్టు కింద క్యాప్షన్ రాసుకొచ్చారు. అలాగే ఈ నెల 10వ తేదీన గేమ్ ఛేంజర్ సినిమా రిలీజ్ కానున్న నేపథ్యంలో చెర్రీకి ఆల్ ది బెస్ట్ చెప్పారు. ప్రస్తుతం ఈ వీడియో నెట్టింట బాగా వైరల్ అవుతోంది.
చెర్రీని చూసి క్లీంకార కేరింతలు
ఎస్ఎస్ రాజమౌళి దర్శకత్వంలో ఎన్టీఆర్, రామ్ చరణ్ నటించి ఆర్ఆర్ఆర్ (RRR) సినిమాకు సంబంధించి.. ‘ఆర్ఆర్ఆర్- బిహైండ్ అండ్ బియాండ్ (RRR Behind And Beyond)’ అంటూ డాక్యుమెంటరీ ఇటీవలే విడుదలైన విషయం తెలిసిందే. ప్రస్తుతం ఇది నెట్ ఫ్లిక్స్ లో స్ట్రీమింగ్ అవుతోంది. ఈ నేపథ్యంలో ఈ డాక్యుమెంటరీని తాజాగా ఉపాసన (Upasana Konidela) వీక్షించారు. ఆ సందర్భంలో తన కుమార్తె క్లీంకార్ కూడా ఆమె పక్కనే ఉన్నారు. అయితే మొదటి సారి తన తండ్రి రామ్ చరణ్ ను టీవిలో చూసిన క్లీంకార సంతోషంతో కేకలు వేసింది.
Klinkaara excited to see her naana on TV for the first time. ❤️❤️❤️❤️❤️@AlwaysRamCharan sooo proud of u.
Eagerly waiting for game changer. ❤️ pic.twitter.com/C8v9Qrv6FP— Upasana Konidela (@upasanakonidela) January 4, 2025
క్లీంకార వీడియో వైరల్
ఆ వీడియోను ఉపాసన నెట్టింట షేర్ చేయగా మెగా ఫ్యాన్స్ బాగా వైరల్ చేస్తున్నారు. మెగా ప్రిన్సెస్ ఈజ్ సో క్యూట్ అంటూ కామెంట్లు పెడుతున్నారు. క్లీంకార.. రామ్ చరణ్ కి బిగ్ సపోర్టర్ అంటూ కామెంట్లలో పేర్కొంటున్నారు. ఇక గేమ్ ఛేంజర్ (Game Changer) మూవీ భారీ సక్సెస్ అవుతుందంటూ కొందరు ఫ్యాన్స్ అంటుండగా.. గ్లోబల్ స్టార్ ఖాతాలో మరో బ్లాక్ బస్టర్ హిట్ పడినట్టేనని ఇంకొందరు అంటున్నారు. ఇక శంకర్ దర్శకత్వంలో కియారా అడ్వాణీ, రామ్ చరణ్ నటించిన ఈ చిత్రం జనవరి 10వ తేదీన ఈ చిత్రం థియేటర్లలో రిలీజ్ కానుంది.
Desk
swarna boddula
