adminఎన్టీఆర్ నంటించిన దేవర సినిమా (Devara) ఇటీవల విడుదలై భారీగా వసూళ్లు రాబట్టిన విషయం తెలిసిందే. ఇందులో ఎన్టీఆర్(దేవర)కు తల్లిగా నటించిన జరీనా వాహబ్ (Zarina Wahab) డార్లింగ్ ప్రభాస్ గురించి ఆసక్తికర వ్యాఖ్యలు చేశారు. తనకు ప్రభాస్ లాంటి కొడుకు ఉండాలని కోరుకుంటానని అన్నారు. దేవరలో ఎన్టీఆర్తో నటించిన జరీనా.. ప్రభాస్ గురించి ఎందుకు మాట్లాడారో తెలుసుకుందాం..
ప్రభాస్ (Prabhas) ప్రస్తుతం పలు భారీ ప్రాజెక్టులతో బిజీగా ఉన్నారు. అందులో ఒకటి రాజా సాబ్ (Raja saab). దర్శకుడు మారుతి తెరకెక్కిస్తున్నారు. అయితే ఆ సినిమాలో ప్రభాస్కు తల్లిగా జరీనా వాహబ్ నటిస్తున్నారు. ఈ నేపథ్యంలోనే ఓ ఇంటర్వ్యూలో ప్రభాస్ గురించి ఆమె మాట్లాడారు. డార్లింగ్ మంచితనం గురించి కొనియాడుతూ సంతోషానికి లోనయ్యారు.
‘ప్రభాస్ ఎంత గొప్ప మనిషి. నేను ఇప్పటివరకు ఏ ఇండస్ట్రీలో ఇలాంటి వ్యక్తిని చూడలేదు. సెట్ లో ప్రతిఒక్కరిని వారి క్రాఫ్ట్స్ తో సంబంధం లేకుండా సమానంగా చూసుకుంటారు. తనో స్వీట్హార్ట్. నాకు ఆకలేస్తుందని తెలిస్తే.. ఇంటికి ఫోన్ చేసి 40-50 మందికి ఫుడ్ తెప్పిస్తారు. వచ్చే జన్మలో ప్రభాస్ లాంటి కొడుకుకి తల్లి కావాలని కోరుకుంటా’ అని జరీనా వాహబ్ అన్నారు. ప్రభాస్ మంచితనాన్ని కొనియాడుతూ నటి మాట్లాడడంతో డార్లింగ్ ఫ్యాన్స్ ఖుషీ అవుతున్నారు.
జరీనా వాహబ్ పేరుకి హిందీ యాక్టర్ అయినా.. ఆమె తెలుగింటి అమ్మాయి. విశాఖపట్టణంలో పుట్టి పెరిగింది. తర్వాత బాలీవుడ్ యాక్టర్, ప్లే బ్యాక్ సింగర్, ప్రొడ్యూసర్ ఆదిత్య పాంచోలిని పెళ్లి చేసుకుంది. హిందీ, తమిళ్, మలయాళ భాషలతో పాటు తెలుగులో గాజుల కిష్టయ్య, అమర ప్రేమ, హేమ హేమీలు, రక్త చరిత్ర 2, విరాట పర్వం, దేవర సినిమాల్లో నటించింది. ఇక ఆమెకి ఇద్దరు సంతానం కాగా ఒకరు బాలీవుడ్ హీరో సూరజ్ పాంచోలి.
swarna boddula
Desk
