Delhi Elections: ఢిల్లీ దంగల్.. నేడే అసెంబ్లీ ఎన్నికల ఫలితాలు

దేశ రాజధాని ఢిల్లీ(Delhi)లో అధికారం ఎవరిదన్న దానిపై నేడు (ఫిబ్రవరి 8) క్లారిటీ రానుంది. ఇవాళ ఉదయం 8 గంటలకు కౌంటింగ్ ప్రారంభం కానుంది. AAP, BJP మధ్యే ప్రధాన పోటీ నెలకొనగా, ఏ పార్టీది గెలుపనేది మధ్యాహ్నం 12 గంటలకు వరకూ ఓ క్లారిటీ రానుంది. ఎలాంటి అవాంఛనీయ సంఘటనలు జరగకుండా కౌంటింగ్ కేంద్రాల వద్ద ఎన్నికల అధికారులు(Election Commission) పటిష్ఠ ఏర్పాట్లు చేశారు. సూపర్ వైజర్లు, కౌంటింగ్ అసిస్టెంట్లు, మైక్రో అబ్జర్వర్లు, సహాయక సిబ్బంది మొత్తం 5 వేల మందిని నియమించినట్లు తెలిపారు. కౌంటింగ్(Counting) మొదలయ్యే ముందు ప్రతీ నియోజకవర్గం నుంచి ర్యాండమ్‌గా 5 VVPatsను లెక్కించి, ఈవీఎం ఓట్లతో పోల్చి చూస్తారు. అంతా కరెక్టుగా ఉంటేనే కౌంటింగ్ జరుగుతుంది. సాయంత్రం 6 గంటలలోపు కౌంటింగ్ పూర్తవుతుందని అంచనా.

బీజేపీ, ఆప్ మధ్యే ప్రధాన పోటీ

కాగా మొత్తం 70 స్థానాలున్న ఢిల్లీ అసెంబ్లీ(Delhi Assembly)కి ఫిబ్రవరి 5న ఎన్నికలు జరిగాయి. మొత్తం 60.42% ఓటింగ్ నమోదైంది. BJP, AAP, కాంగ్రెస్‌ సహా రాజకీయ పార్టీలు, స్వతంత్ర అభ్యర్థులు కలిపి మొత్తం 699 మంది ఎన్నికల్లో పోటీ చేశారు. దాదాపు అన్ని ఎగ్జిట్ పోల్స్‌ సర్వేలు(Exit polls surveys) ఈసారి బీజేపీ గెలుస్తుంది అని తేల్చాయి. 27 ఏళ్ల తర్వాత హస్తిన పీఠం BJPకి దక్కబోతోంది అని చెప్పాయి.

ECI, Delhi Election Results 2025 Live Counting Updates: Election Commission of India Delhi Vidhan Sabha Chunav/Election Result 2025, ECI Delhi Results Live https://t.co/lhcshF8aHg

— Prosenjit Datta (@ProsaicView) February 8, 2025

ఐతే.. ఆమ్ ఆద్మీ పార్టీ మాత్రం ముచ్చటగా మూడోసారి గెలుపు తమదే అంటోంది, హ్యాట్రిక్ కొట్టి తీరతామంటోంది. ప్రధాన పోటీ ఈ రెండు పార్టీల మధ్యే ఉంది. ఐతే.. మరో కీలక పార్టీ కాంగ్రెస్ మాత్రం ఒకట్రెండు సీట్లకే పరిమితం అవుతుందని ఎగ్జిట్ పోల్స్ చెప్పడంతో.. కాంగ్రెస్‌(Congress)పై ఆశలు సన్నగిల్లాయి. మరి ఢిల్లీ పీఠం ఎవరిదో తెలియాలంటే ఈరోజు సాయంత్రం వరకూ ఆగాల్సిందే.