Vijayasai Reddy : ‘లిక్కర్ స్కామ్ కేసులో వాళ్ల భరతం పట్టండి.. నేను సహకరిస్తా’

ఆంధ్రప్రదేశ్‌లో లిక్క్‌ స్కామ్‌ కేసు (AP Liquor Scam Case)లో రోజుకో కీలక మలుపు చోటుచేసుకుంటుంది. సంచలనం రేపిన ఈ కేసులో ఇప్పటికే మాజీ ఎంపీ విజయసాయి రెడ్డి సిట్ విచారణ (SIT Inquiry) ఎదుర్కొని కీలక సమాచారాన్ని అధికారులు అందించారు. ఇక విజయసాయి రెడ్డి చెప్పిన వివరాల సాయంతో సిట్ .. ఈ కేసులో కీలకంగా భావిస్తోన్న రాజ్ కసిరెడ్డిని సోమవారం రోజు హైదరాబాద్‌లోని శంషాబాద్‌ ఎయిర్‌పోర్ట్‌లో అరెస్టు చేసింది.

నేను పూర్తిగా సహకరిస్తా

మరోవైపు లిక్కర్ స్కామ్ కేసుపై విజయసాయి రెడ్డి (Vijayasai Reddy Tweet) మరోసారి ఎక్స్ వేదికగా ట్వీట్ చేశారు. ఈ సందర్భంగా ఆయన ఈ కుంభకోణంపై సంచలన వ్యాఖ్యలు చేశారు. ”ఏపీ లిక్కర్ స్కామ్‌లో నా పాత్ర విజిల్ బ్లోయర్ మాత్రమే. తప్పించుకునేందుకే దొరికిన దొంగలు, దొరకని దొంగలు కూడా నా పేరు లాగుతున్నారు. ఏ రూపాయి నేను ముట్టలేదు. లిక్కర్ దొంగల బట్టలు సగమే విప్పారు. వారి మిగతా బట్టలు విప్పేందుకు నేను పూర్తిగా సహకరిస్తాను.” అంటూ విజయసాయి రెడ్డి ట్వీట్ చేశారు.

విజయసాయి రెడ్డి Vs రాజ్ కసిరెడ్డి

సిట్‌ విచారణ తర్వాత ఈ వ్యవహారంలో కీలక వ్యక్తి రాజ్‌ కసిరెడ్డే (Raj Kasireddy) నంటూ విజయసాయి రెడ్డి వ్యాఖ్యానించిన విషయం తెలిసిందే. మరోవైపు రాజ్ కసిరెడ్డి ఇటీవల విడుదల చేసిన ఆడియోలో విజయసాయి రెడ్డిపై మండిపడ్డారు. లిక్కర్‌ కేసు వ్యవహారం తేలిన తర్వాత.. విజయసాయి రెడ్డి బాగోతం బయటపెడతానంటూ ఆయన వ్యాఖ్యానించారు. రాజ్ కసిరెడ్డి ఆడియో రిలీజ్ చేసిన కొన్ని గంటల తర్వాత  సాయిరెడ్డి ట్వీట్ చేయడం గమనార్హం.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *