admin
తెలంగాణ గుండె చప్పుడును తన పాటల ద్వారా విశ్వవ్యాప్తం చేసిన ప్రజా గాయకుడు గద్దర్ (Gaddar). చిన్న పిల్లల నుంచి నుంచి పండు ముసలి వాళ్ల వరకు గద్దర్ పాటలంచే చెవులు కోసుకుంటారు. గద్దర్ గాత్రం వినిపించిందంటే చాలు ప్రతి ఒక్కరి రక్తంలో ఉత్తేజం మొదలవుతుంది. తన పాటలతో తెలంగాణ ఉద్యమానికి ఊపిరి పోసిన ఆ ప్రజాగాయకుడు గద్దర్ పేరిట అవార్డులు ప్రదానం చేయాలని కాంగ్రెస్ ప్రభుత్వం నిర్ణయించిన విషయం తెలిసిందే.
జూన్ 14 పురస్కారాలు
గద్దర్ తెలంగాణ ఫిల్మ్ అవార్డుల (Gaddar Telangana Film Awards) పేరిట ఈ ఏడాది నుంచి ఈ పురస్కారాలు అందజేయాలని నిర్ణయించింది. జూన్ 14వ తేదీనన గద్దర్ తెలంగాణ ఫిల్మ్ అవార్డుల ప్రదానోత్సవ ఈ కార్యక్రమం జరగనుంది. హెచ్‌ఐసీసీ వేదిగా ఈ కార్యక్రమాన్ని నిర్వహించనున్నారు. ఈ నేపథ్యంలో తాజాగా ఈ అవార్డులపై మీడియా సమావేశం నిర్వహించారు. ఈ సందర్భంగా డిప్యూటీ సీఎం భట్టి విక్రమార్క (Bhatti Vikramarka) మాట్లాడుతూ.. తెలంగాణలో కాంగ్రెస్ ప్రభుత్వం తెలుగు సినిమాలతో పాటు.. ఉర్దూ చిత్రాలనూ ప్రోత్సహిస్తామని తెలిపారు.
The curtain raiser ceremony of the GTFA (Gaddar Telangana Film Awards) 2024 was held at Prasad Labs.
The jury members were formally introduced, with veteran actress Jaya Sudha announced as the Chairperson of the Jury.
Film screenings for the jury begin today.
The awards… pic.twitter.com/2qoOWFc01W
— idlebrain jeevi (@idlebrainjeevi) April 22, 2025
14 ఏళ్ల తర్వాత తొలిసారి
14 ఏళ్ల తర్వాత ప్రభుత్వం ఇస్తున్న ఈ అవార్డుల ఎంపిక కోసం ఇటీవలే జ్యూరీ ఏర్పాటైన విషయం తెలిసిందే. 15 మంది సభ్యులతో ఏర్పాటైన జ్యూరీ కమిటీకి ఛైర్మన్‌గా నటి జయసుధ (Jayasudha) ఎంపికయ్యారు. అన్ని విభాగాల్లో 1248 నామినేషన్లు రాగా వ్యక్తిగత కేటగిరీలో 1172, ఫీచర్ ఫిల్మ్, చిల్డ్రన్ ఫిల్మ్స్, డాక్యుమెంటరీ, ఫిల్మ్ క్రిటిక్స్, పుస్తకాలు వంటి ఇతర కేటగిరిల్లో 76 అప్లికేషన్లు అందాయి. అవార్డుల కోసం దరఖాస్తు చేసిన నామినేషన్లను ప్రస్తుతం జ్యూరీ సభ్యులు పరిశీలిస్తున్నారు.
Desk
swarna boddula
