admin
మరో ఐదు రోజుల్లో ఇండియ‌న్ ప్రీమియం లీగ్ (IPL)కు తెర‌లేవ‌నుంది. ఈ నెల 22 నుంచి ఈ మెగా క్రికెట్ సంబంరం ప్రారంభం కానుంది. ప్రపంచ వ్యాప్తంగా ఉన్న క్రికెట్ ఫ్యాన్స్ ఎంతో ఆత్రుత‌గా ఎదురుచూస్తున్న ఐపీఎల్‌ను డిజిట‌ల్ వేదిక‌గా జియో(JIO) టెలికాస్ట్ చేయ‌నున్న సంగతి తెలిసిందే. అయితే, ఇన్నిరోజులు ఫ్రీ వీక్షించిన ఫ్యాన్స్‌కు హాట్‌స్టార్‌తో విలీనం రూపంలో జియో షాకిచ్చింది. మ్యాచ్‌ల‌ను వీక్షించాలంటే వినియోగ‌దారులు క‌నీస సబ్స్క్రిప్షన్(Minimum subscription) తీసుకోవాల‌నే కండీషన్ పెట్టింది.
రూ.299 అంత‌కంటే ఎక్కువ ప్లాన్ వారికే..
ఈ నేప‌థ్యంలో తాజాగా తన వినియోగ‌దారుల‌కు జియో తీపి క‌బురు చెప్పింది. ఎంపిక చేసిన కొన్ని రీఛార్జ్ ప్లాన్ల‌పై జియో యూజ‌ర్లు(Jio Users) 90 రోజుల పాటు ఉచితంగా జియోహాట్‌స్టార్ సబ్స్క్రిప్షన్(JioHotstar Subscription)ను పొంద‌వ‌చ్చ‌ని వెల్ల‌డించింది. వినియోగ‌దారులు రూ. 299 అంత‌కంటే ఎక్కువ ప్లాన్‌తో రీఛార్జ్ చేసుకుంటే జియోహాట్‌స్టార్ స‌బ్‌స్క్రిప్ష‌న్‌ను ఫ్రీగా పొంద‌వ‌చ్చు. దీంతో క్రికెట్ అభిమానులు హ‌ర్షం వ్య‌క్తం చేస్తున్నారు. కాగా ఈనెల 22న ఈ సీజన్ తొలి పోరు కోల్‌కతా నైట్ రైడర్స్ వర్సెస్ బెంగళూరు రాయల్ ఛాలెంజర్స్(KKR vs RCB) జట్ల మధ్య జరగనుంది.
Desk
swarna boddula
