admin
మలయాళ నటుడు షైన్ టామ్ చాకో (Shine Tom Chacko) మరో వివాదంలో చిక్కుకుని వార్తల్లో నిలిచాడు. తాజాగా కొచ్చిలోని ఓ హోటల్లో డ్రగ్స్ వినియోగిస్తున్నారన్న సమాచారం రావడంతో నార్కోటిక్ పోలీసుల బృందం దాడులు చేసింది. అయితే అధికారులు అక్కడికి వెళ్లే ముందే నటుడు షైన్ టామ్ చాకో అక్కడి నుంచి పరారైనట్లు సమాచారం. మూడో అంతస్తులో ఉన్న నటుడు.. అధికారులు ఆ ఫ్లోర్ కు చేరుకునేలోగానే విషయం తెలుసుకుని కిటికీలో నుంచి రెండో అంతస్తులోకి దూకినట్లు తెలిసింది. అక్కడి నుంచి మెట్ల మార్గం గూండా పరారైనట్లు సమాచారం.
హోటల్ నుంచి నటుడు పరారీ
బుధవారం ఉదయం 11 గంటలకు నార్కోటిక్ పోలీసులు (Narcotic Police Raid on Hotel) ఆ హోటల్ పై రైడ్ చేసినట్లు మాలీవుడ్ మీడియాలో కథనాలు వెలువడ్డాయి. అయితే షైన్ టామ్ చాకో (Shine Tom Chacko Drugs Case) కూడా డ్రగ్స్ తీసుకున్నారా లేదా అనే విషయం తెలియాల్సి ఉంది. అధికారులు ప్రస్తుతం హోటల్ లోని సీసీటీవీ ఫుటేజీ పరిశీలిస్తున్నారు. ఈ సంఘటనకు సంబంధించి పూర్తి వివరాలు తెలియాల్సి ఉంది.
నటుడిపై నటి ఫిర్యాదు
మరోవైపు షైనా టామ్ చాకోపై తాజాగా మలయాళ నటి విన్సీ సోని అలోషియస్ (Vincy Aloshious) సంచలన వ్యాఖ్యలు చేసిన విషయం తెలిసిందే. ఓ సినిమా సెట్లో తనతో అసభ్యకరంగా ప్రవర్తించాలని ఆమె పోలీసులకు ఫిర్యాదు చేసింది. ఆ షూటింగు సెట్లో ఆయన డ్రగ్స్ కూడా సేవించినట్లు తెలిపింది. ఈ విషయంపై పోలీసులకు మాత్రమే కాకుండా కేరళ ఫిల్మ్ ఛాంబర్‌తో పాటు ‘అమ్మ’ అసోసియేషన్‌కు ఫిర్యాదు చేసింది. దీనిపై ఓ కమిటీ ఏర్పాటు చేయనున్నట్లు సమాచారం. విన్సీ, షైన్ కలిసి ‘సూత్రవాక్యం’ అనే సినిమాలో నటించారు.
swarna boddula
Desk
