admin
Mana Enadu : టాలీవుడ్ లో ప్రస్తుతం మంచు ఫ్యామిలీ వివాదం (Manchu Family Controversy) హాట్ టాపిక్ గా మారింది. మంచు మోహన్ బాబు, విష్ణు వర్సెస్ మంచు మనోజ్ వివాదం రోజురోజుకు రాజుకుంటోంది. ఓవైపు కుటుంబ గొడవలతో సతమతమవుతున్న మంచు ఫ్యామిలీ.. మరోవైపు తమ డ్రీమ్ ప్రాజెక్ట్ ‘కన్నప్ప (Kannappa Movie)’ను త్వరలోనే ప్రేక్షకుల ముందుకు తీసుకొచ్చే పనిలో బిజీ అయింది. ఈ ఫ్యామిలీ నుంచి వస్తున్న ప్రతిష్ఠాత్మక ప్రాజెక్ట్ కన్నప్పను దాదాపు రూ.100 కోట్లతో తెరకెక్కిస్తున్నారు.
కన్నప్పలో మోహన్ లాల్
మంచు మోహన్ బాబు (Mohan Babu) నిర్మిస్తున్న కన్నప్ప మూవీలో టైటిల్ రోల్ లో మంచు విష్ణు (Manchu Vishnu) నటిస్తున్నాడు. ఇక ఈ చిత్రంలో ప్రభాస్, నయనతార, శివరాజ్ కుమార్, అక్షయ్ కుమార్, మోహన్ లాల్ వంటి ప్రముఖ నటులు కీలక పాత్రల్లో నటిస్తున్నారు. తాజాగా మోహన్ లాల్ (Mohan Lal) పాత్రకు సంబంధించి మేకర్స్ ఫస్ట్ లుక్ పోస్టర్ ను రిలీజ్ చేశారు. ఈ చిత్రంలో ఆయన ‘కిరాట (KIRATA)’ అనే పవర్ ఫుల్ పాత్రలో కనిపించబోతున్నట్లు చిత్రబృందం తెలిపింది. ప్రస్తుతం లాలెట్టా పోస్టర్ నెట్టింట వైరల్ అవుతోంది.
ప్రతి సోమవారం కన్నప్ప నుంచి అప్డేట్
మైథాలజీ బ్యాక్ డ్రాప్ లో తెరకెక్కుతున్న ఈ చిత్రానికి ‘మహాభారతం’ సీరియల్ ఫేం ముఖేశ్ కుమార్ సింగ్ దర్శకత్వం వహిస్తున్నారు. ఇప్పటికే ఈ సినిమా నుంచి మంచు మోహన్ బాబు, విష్ణుతో పాటు ఆయన కుమారుడు అవ్ రామ్, కుమార్తెలు అవియానా, వివియానా లుక్స్ ను రిలీజ్ చేశారు. పరమేశ్వరుడికి ప్రీతిపాత్రమైన వారం పురస్కరించుకుని మేకర్స్ ప్రతి సోమవారం రోజున ఈ సినిమా నుంచి ఒక్కో పాత్ర ఫస్ట్ లుక్ (Kannappa Updates) ను రివీల్ చేస్తున్నారు.
swarna boddula
Desk
