NTR Vardhanthi: ‘ఎన్టీఆర్’ ఒక ప్రభంజనం.. ప్రజల గుండెల్లో చిరస్థానం

నందమూరి తారకరామారావు (Nandamuri Tarakara Rao).. ఈ పేరులోనే ఓ వైబ్రేషన్ ఉంది. సినీ ఇండస్ట్రీలోనైనా.. పాలిటిక్స్‌లోనైనా తనకంటూ స్పెషల్ ఇమేజ్‌ను సొంతం చేసుకున్నారు. కోట్లాది మంది ప్రజల హృదయాల్లో శాశ్వత స్థానం సంపాధించుకున్నారు. APలోని కృష్ణ జిల్లా నిమ్మకూరు(Nimmakuru) గ్రామంలో జన్మించిన ఆయన బాల్యం నుంచే తెలుగు భాష, పద్యాలు, సంస్కృత శ్లోకాలు, సంప్రదాయ అలవాట్లను పుణికిపుచ్చుకున్నారు. విజయవాడ, గుంటూరులో విద్యాభాసం కొనసాగిస్తూనే మరోపక్క నాటకాలు వేశారు. అదే క్రమంలో ‘మనదేశం(Mana Desham)’ ద్వారా సినీ ఇండస్ట్రీలోకి ఎంట్రీ ఇచ్చారు. నేడు విశ్వవిఖ్యాత నటసార్వభౌముడు, యుగపురుషుడు నందమూరి తారక రామారావు 29వ వర్ధంతి సందర్భంగా స్పెషల్ స్టోరీ మీకోసం..

వెండితెరపై ఎన్టీఆర్ నట విశ్వరూపం

తెలుగు చిత్ర పరిశ్రమలో NTRని మించిన నటుడు లేడు. ఎన్టీఆర్ అనేది ఒక పేరు కాదు.. ప్రభంజనం అని, అదొక సంచలనమని వెండితెరపై తన విశ్వరూపం చూపించారు. తెలుగు తెరకు ఆయనో మకుటం లేని చక్రవర్తి. తరాలు మారినా మరిచిపోలేని మహానటుడు. తెలుగువారికి రాముడు, కృష్ణుడు అంటే ఆయనే గుర్తుకొస్తారు. నవరసాలు అలవోకగా పండించగల దిట్ట. అందుకే ఆయన విశ్వవిఖ్యాత నట సార్వభౌముడు అయ్యారు.
ఎలాంటి డైలాగ్స్ అయినా ఇట్టే చెప్పేవారు. రాముడిగా, కృష్ణుడిగా, అర్జునుడిగా ఇలా ఇన్నో పౌరాణిక, జానపద చిత్రాల్లో ఆయనకు ఆయనే సాటి. ఎంత పెద్ద పద్యాలైనా, శ్లోకాలైనా, డైలాగ్స్ అయినా ఎన్టీఆర్‌కు క్షణాల్లో అనర్గళంగా చెప్పేవారు.

Pin page

ప్రేక్షకుల మదిలో చెరగని ముద్ర

నటుడిగా, దర్శకుడిగా, నిర్మాతగా, తెలుగు చలనచిత్ర హిస్టరీలోనే తిరుగులేని కథానాయకుడిగా ప్రజల గుండెల్లో చిరస్థానం సంపాధించుకున్నారు. కన్యాశుల్కం, గుండమ్మకథ, అడవిరాముడు, వేటగాడు, గజదొంగ, డ్రైవర్‌ రాముడు, సర్దార్‌ పాపారాయుడు, కొండవీటి సింహం, జస్టిస్‌ చౌదరి, బొబ్బిలిపులి చిత్రాల్లో ఆయన విలక్షణ నటనను ప్రేక్షకులు ఎప్పటికీ మరిచిపోరు. ముఖ్యంగా దాన వీర శూరకర్ణ(Dana Veera Surakarna) సెన్సేషనల్ బ్లాక్‌బస్టర్. ఈ మూవీకి ఆయనే దర్శకుడిగా, నిర్మాతగా, హీరోగా ఉంటూ మూడు పాత్రలు వేశారు. ఈ సినిమా అప్పటి వరకు ఉన్న టాలీవుడ్ ఇండస్ట్రీ రికార్డులను తిరగరాసింది. ఆయన నటించిన చివరి చిత్రం మేజర్‌ చంద్రకాంత్‌(Major Chandrakant). ఆయన దాదాపు 320 చిత్రాల్లో నటించి తెలుగు సినిమాకు వన్నె తగ్గని కీర్తిని సంపాధించుకున్నారు.

దానవీరశూరకర్ణ'లో ఎన్టీఆర్ కంటే ఎక్కువ పాత్రలు చేసిన నటుడు ఎవరో తెలుసా?

రాజకీయ రంగప్రవేశం అలా..

‘‘సమాజమే దేవాలయం.. ప్రజలే దేవుళ్లు’’ అని భావించి తెలుగుజాతి ఆత్మగౌరవం, సామాజిక న్యాయం, ప్రజాసంక్షేమం అనే సిద్ధాంతాలపై 1982లో సినీరంగం నుంచి రాజకీయ రంగప్రవేశం చేశారు. అదే క్రమంలో ‘తెలుగుదేశం పార్టీ(TDP)’ని స్థాపించారు. అంతేకాదు పార్టీ స్థాపించిన 9 నెలలకే ముఖ్యమంత్రిగా ఎన్నికై చరిత్ర సృష్టించారు ఎన్టీఆర్. 73 సంవత్సరాల జీవన గమనంలోనూ నటుడిగాను, రాజకీయ నాయకుడిగానూ ఎన్నో ఎత్తుపల్లాలను చూసిన ఆ నటసార్వభౌముడు 1996 జనవరి 18న మరణించారు.

An extract from 'NTR — A Political Biography': The Telugu superstar's dramatic entry into politics - The Hindu

ఎన్టీఆర్‌‌కి కుటుంబ సభ్యల నివాళులు

నందమూరి తారక రామారావు వర్ధంతి సందర్భంగా ఏపీ సీఎం చంద్రబాబు నాయుడు నివాళి అర్పించారు. ఆయన చేసిన సేవల్ని ఈ సందర్భంగా స్మరించుకున్నారు. ఎన్టీఆర్ ఆశయాలను సాధిద్దామని చంద్రబాబు ఎక్స్ ఖాతాలో పోస్ట్ చేశారు. కోట్లాది హృదయాల్లో కొలువైన మా తాతగారే నాకు నిత్యస్ఫూర్తి అని నారా లోకేశ్ అన్నారు.                     తన తండ్రి ఎన్టీఆర్ వర్ధంతి సందర్భంగా నందమూరి బాలకృష్ణ ఆయనకు నివాళులు అర్పించారు. హైదరాబాద్ ఎన్టీఆర్ ఘాట్ వద్ద శ్రద్ధాంజలి ఘటించారు. ఆయన వర్ధంతి సందర్భంగా లోకేశ్ ఘన నివాళులర్పించారు. ఎన్టీఆర్‌ (NTR) వర్ధంతి సందర్భంగా జూనియర్‌ ఎన్టీఆర్‌, కళ్యాణ్‌ రామ్‌ నివాళులు అర్పించారు. శనివారం ఉదయం అన్న కల్యాణ్‌ రామ్‌తో కలిసి హైదరాబాద్‌లోని ట్యాంక్‌బండ్‌ ఎన్టీఆర్‌ ఘాట్‌కు చేరుకున్న ఎన్టీఆర్‌.. తాత సమాధి వద్ద పుష్పాంజలి ఘటించారు.

Related Posts

Australia: ఆస్ట్రేలియా ప్రధానిగా మళ్లీ ఆంథోనీ ఆల్బనీస్ గెలుపు

ఆస్ట్రేలియా(Australia) రాజకీయాల్లో ఆంథోనీ ఆల్బనీస్(Anthony Albanese) మరోసారి తన ఆధిపత్యాన్ని నిరూపించుకున్నారు. శనివారం (మే 3) జరిగిన సార్వత్రిక ఎన్నికల్లో(General Elections) ఆయన నేతృత్వంలోని లేబర్ పార్టీ(Labor Party) స్పష్టమైన ఆధిక్యతతో విజయం సాధించింది. దీంతో ఆంథోనీ ఆల్బనీస్ వరుసగా రెండోసారి…

సుమతో విడాకుల వార్తలు.. అవన్నీ రూమర్సే: Rajiv Kanakala

రాజీవ్ కనకాల(Rajiv Kanakala).. 1991లో వచ్చిన బాయ్ ‌ఫ్రెండ్(Boy Friend) చిత్రం ద్వారా తెలుగు సినీ ఇండస్ట్రీలోకి ఎంట్రీ ఇచ్చాడు. నటుడిగా, నిర్మాతగా చిత్ర పరిశ్రమలో తనకంటూ ఓ ప్రత్యేక పేరు సంపాదించుకున్నాడు. ప్రముఖ దర్శకుడు, నటుడు అయిన దేవదాస్ కనకాల(Devadas…

Leave a Reply

Your email address will not be published. Required fields are marked *