admin
రాష్ట్ర ప్రజలకు తెలంగాణ సర్కార్ గుడ్ న్యూస్ చెప్పింది. ఎల్ఆర్ఎస్ రాయితీ (LRS Subsidy)కి గడువు పొడిగిస్తూ తాజాగా నిర్ణయం తీసుకుంది. ఈ నెలాఖరు వరకు గడువు పొడిగిస్తున్నట్లు రాష్ట్ర ప్రభుత్వం ఉత్తర్వులు జారీ చేసింది. గతంలో రాష్ట్ర ప్రభుత్వం ప్రకటించిన గడువు మార్చి 31వ తేదీ నాటికి ముగియడంతో తాజాగా ఏప్రిల్ 30వ తేదీ వరకు పొడిగిస్తున్నట్లు ఈ మేరకు మున్సిపల్‌ అడ్మినిస్ట్రేషన్‌ కార్యదర్శి దాన కిషోర్‌ (Dana Kishore) జారీ చేసిన ఉత్తర్వుల్లో పేర్కొన్నారు.
అందుకే గడువు పొడిగింపు
అయితే ప్రజల కోసం రాష్ట్ర ప్రభుత్వం ఎల్ఆర్ఎస్ రాయితీ ప్రకటించినా ఆశించిన మేరకు స్పందన రాలేదు. మొత్తం రెండు లక్షల ఎల్ఆర్ఎస్ దరఖాస్తులు (LRS Applications) మాత్రమే పరిష్కారం కాగా వాటి ద్వారా ప్రభుత్వానికి వెయ్యి కోట్లకు పైగా ఆదాయం వచ్చింది. మరో 13లక్షలకు పైగా దరఖాస్తులు పరిష్కారం కావాల్సి ఉండగా.. దీనిపై బుధవారం రోజున ఉన్నతాధికారులతో రెవెన్యూ శాఖ మంత్రి పొంగులేటి శ్రీనివాస్‌ రెడ్డి (Minister Ponguleti Srinivas Reddy) సమీక్ష నిర్వహించారు. అధికారులతో చర్చించిన అనంతరం ఎల్ఆర్ఎస్ రాయితీ గడువును ఏప్రిల్ 30వ తేదీ వరకు పొడిగించాలని నిర్ణయించారు.
Desk
swarna boddula
