Biggest Cine Clash: ఫ్యాన్స్‌కు పండగే.. ఆగస్టు 15న ఆరు సినిమాలు

ManaEnadu:సినిమా ప్రియులకు అదిపోయే న్యూస్. నార్మల్‌గా ఏటా సంక్రాంతి టైమ్‌లో ఉండే కొత్త సినిమాల రిలీజ్‌ల సందడి ఈసారి కాస్త ముందుగానే ఉండనుంది. ఏకంగా 6 పెద్ద సినిమాలు థియేటర్లలో రిలీజ్‌కు రెడీ అయ్యాయి. మరీ ఈ ఆగస్టు 15 జరిగే బిగ్గేస్ట్ క్లాష్‌లో ఏమూవీ హిట్ కొడుతుందో తేలాలంటే మరో 5 రోజులు వెయిట్ చేయక తప్పదు. అయితే ఈసారి బాక్సాఫీస్ వద్ద బాలీవుడ్(Bollywood), సౌత్‌ ఇండస్ట్రీల మధ్య పోరు మాత్రం భీకరంగా ఉండటం ఖాయంగా కనిపిస్తోంది. టాలీవుడ్(Tollywood) నుంచి మిస్టర్ బచ్చన్, డబుల్ ఇస్మార్ట్ బరిలో ఉండగా.. కన్నడ ఇండస్ట్రీ నుంచి తంగలాన్ పోటీలో ఉంది. ఇక బాలీవుడ్ నుంచి స్త్రీ2, ఖేల్ ఖేల్ మే, వేద చిత్రాలు ఆగస్టు బరిలో నిలిచాయి. మరి ఈ భారీ మూవీ బాక్స్‌లో కలెక్షన్ల వర్షం కురిపించే మూవీలేవో త్వరలోనే తేలనుంది. మరి ఆ మూవీలేంటో తెలుసుకుందామా..

 డబుల్ ఇస్మార్ట్(Doble ismart)

ఎనర్జిటిక్ మాస్ హీరో రామ్ పోతినేని, టాలీవుడ్ డాషింగ్ డైరెక్టర్ పూరీ జగన్నాథ్ కాంబోలో తెరకెక్కిన మూవీ డబుల్ ఇస్మార్ట్. రామ్ నటించిన ఇస్మార్ శంకర్‌ మూవీకి ఇది సీక్వెల్. మాస్ మాసాల డైలాగులతో ఈ మూవీ టీజర్ ఫ్యాన్స్‌ను విపరీతంగా ఆకట్టుకుంది. రామ్ సరసన్ ఈ సినిమాలో కావ్యా థాపర్ నటిస్తోంది. ఈ ఆగస్టు 15న థియేటర్లలో రిలీజ్‌ అయ్యేందుకు సిద్ధమైంది.

మిస్టర్ బచ్చన్(Mr.Bacchan)

మాస్ మహారాజ రవితేజ హీరోగా, దర్శకుడు హరీష్ శంకర్ దర్శకత్వంలో తెరకెక్కిన మాస్ యాక్షన్ ఎంటర్ టైనర్ మిస్టర్ బచ్చన్. ఈ మూవీలో రవితేజ సరసన భాగ్య శ్రీ బోర్సే హీరోయిన్‌గా యాక్ట్ చేస్తున్నారు. ఆగస్టు 15 వ తేదీన వరల్డ్ వైడ్‌గా థియేటర్లలో రిలీజ్‌కి రెడీ అయిన ఈ సినిమా కోసం ఆడియెన్స్ ఎంతగానో ఎదురు చూస్తున్నారు.

 తంగలాన్(Thangalaan)

డిఫరెంట్ కంటెంట్ ఉన్న మూవీలు ట్రై చేయడంలో ముందుంటారు హీరో విక్రమ్. తాజాగా కోలార్ బంగారు గనుల నేపథ్యంలో రానున్న చిత్రం తంగలాన్. డైరెక్టర్ రంజిత్ దర్శకత్వం వహిస్తున్న ఈ మూవీలో అందాల రాశి మాళవిక మోహనన్ నెగిటివ్ షేడ్స్ ఉన్న రోల్‌లో కనిపించనుంది. అలాగే పార్వతి తిరువోతు, పశుపతి, సంపత్ రామ్ కీలక పాత్రలలో నటిస్తున్నారు. ఇప్పటికే ఈ చిత్రం నుంచి విడుదలైన పోస్టర్స్, గ్లింప్స్, సాంగ్స్, టీజర్ ఆకట్టుకోగా.. టైల‌ర్‌ను ఐదు భాష‌ల్లో విడుద‌ల చేశారు. ఇది సినిమాపై మరింత హైప్ క్రియేట్ చేసింది. ఆగస్టు15న గ్రాండ్‌గా రిలీజ్‌ కానుంది.

 స్త్రీ-2(Stri2)

రాజ్‌కుమార్ రావు, శ్రద్ధా కపూర్‌ ప్రధాన పాత్రలో నటించిన చిత్రం ‘స్త్రీ 2’ 2018 లో సూపర్ హిట్‌గా నిలిచిన స్త్రీ సినిమాకు ఇది సీక్వెల్‌. అమర్ కౌశిక్ ఈ సినిమాకు దర్శకత్వం వహించారు. ప్రేక్షకులు ఆసక్తిగా ఎదురుచూస్తున్న ఈ చిత్రం ఆగస్టు 15న విడుదల కానుంది.
ఇప్పటికే రిలీజైన మూవీ ట్రైలర్ విపరీతమైన హైప్ క్రియేట్ చేసింది.

ఖేల్ ఖేల్ మే(Khel Khel Mein)

బాలీవుడ్ స్టార్ అక్షయ్ కుమార్ నటించిన లేటెస్ట్ మూవీ ఖేల్ ఖేల్ మే. ఈ చిత్రానికి ముదస్సర్ అజీజ్ దర్శకత్వం వహించారు. అక్షయ్‌తో పాటు తాప్సీ పన్ను, వాణి కపూర్, అపర్శక్తి ఖురానా, అమ్మీ విర్క్, ఆదిత్య సీల్, ప్రగ్యా జైస్వాల్, ఫర్దీన్ ఖాన్ కీలక పాత్రలు పోషించిన ఈ మూవీ ఇండిపెండెన్స్ డే సందర్భంగా ప్రేక్షకుల ముందుకు రానుంది.

 వేద (Veda)

నిఖిల్ అద్వానీ దర్శకత్వంలో జాన్ అబ్రహం, శర్వరీ బాగ్ జంటగా నటించిన చిత్రం వేద. ఈ సినిమాలో జాన్, శర్వరితో పాటు తమన్నా భాటియా కూడా నటిస్తోంది. ఆగస్టు 15న ఈ చిత్రం ప్రేక్షకుల ముందుకు రానుంది. ఇప్పటికే రిలీజ్ అయిన గ్లింప్స్, టీజర్, ట్రైలర్ సాంగ్స్‌ బాలీవుడ్ ఫ్యాన్స్‌ను తెగ ఆకట్టుకున్నాయి.

సో.. ఇదండీ ఈ ఆగస్టు 15 బిగ్గెస్ట్ మూవీ క్లాష్. మరి ఈ ఆరు సినిమాల్లో మీరు ఏ సినిమాకు వెళ్లాలో ముందే ఫిక్స్ అవండి.. మూవీ ఫెస్టివల్‌లో బాగా ఎంజాయ్ చేయండి. ఇంకెందుకు ఆలస్యం టికెట్స్ బుక్ చేసేసుకోండి..

 

Related Posts

Mahesh Babu | వారణాసి ఈవెంట్‌లో రాజమౌళి స్ట‌న్నింగ్ కామెంట్స్

Mahesh Babu | సూపర్ స్టార్ మహేశ్‌బాబు—దర్శకధీరుడు ఎస్‌ఎస్‌ రాజమౌళి కాంబినేషన్‌లో వస్తున్న అత్యంత భారీ యాక్షన్ అడ్వెంచర్ ఫిల్మ్ “వారణాసి” పై ఆసక్తి రోజురోజుకూ పెరుగుతోంది. గ్లోబ్ ట్రోటర్ ఈవెంట్‌లో విడుదలైన స్పెషల్ వీడియోకు ప్రేక్షకుల నుంచి అద్భుత స్పందన…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *