adminMana Enadu: ద‌ళిత‌బంధు ప‌థ‌కానికి ఎంపికైన ల‌బ్దిదారుల‌కు వారం రోజుల్లోనే రాష్ట్ర ప్రభుత్వం నిధులు విడుదల చేస్తుంద‌ని డిప్యూటీ సీఎం మ‌ల్లు భ‌ట్టి విక్ర‌మార్క వెల్ల‌డించారు. ఇప్ప‌టికే ద‌ళిత‌బంధు ప‌థ‌కం కింద మంజూరైన యూనిట్లు ల‌బ్దిదారుల వ‌ద్దే ఉన్నాయా..? ఎవ‌రికైనా విక్ర‌యించారా..? అనే విష‌యాల‌పై అధికారులు పూర్తిస్థాయి స‌మాచారం సేక‌రించాల‌ని ఆదేశించారు. దళితబంధ ప‌థ‌కాల కింద మంజూరైన యూనిట్లను విక్ర‌యాలు చేసిన‌ట్లు తేలితే చ‌ట్ట‌ప‌ర‌మైన చ‌ర్య‌లు త‌ప్ప‌వ‌ని హెచ్చ‌రించారు. ఖ‌మ్మం జిల్లా చింతకాని మండలం ద‌ళిత‌బంధు ప‌థ‌కంలో శాచ్యురేష‌న్ ప‌ద్ద‌తిలో ఎంపిక కావ‌డం జ‌రిగింద‌ని వివ‌రించారు.
మళ్లీ యూనిట్లు ల‌బ్దిదారుల ఇళ్ల‌కి చేరాలి:
దళితబంధ ప‌థ‌కానికి కేటాయించిన ప్ర‌త్యేక అధికారులు యూనిట్లు ప‌నితీరును ప‌రిశీలించ‌డంతోపాటు అమ్మ‌కాలు చేసిన యూనిట్లు వారం రోజుల్లో ల‌బ్దిదారుల ఇళ్ల‌కు చేర్చాల‌ని తెలిపారు. లబ్ధిదారులు స్మాల్ స్కేల్ యూనిట్స్ ఏర్పాటు చేసుకోవడానికి అవసరమైతే ఇండస్ట్రియల్ పార్కును మంజూరు చేస్తామ‌ని భ‌ట్టి పేర్కొన్నారు. చింతకాని మండలం సాచురియేషన్ పద్ధతిలో ఎంపిక కాగా నియోజకవర్గంలో మరో వంద మంది లబ్ధిదారులను ఎంపిక చేశారని చెప్పారు. ఆ లబ్ధిదారుల వివరాలను వారంలోగా సేకరించి ప్ర‌భుత్వానికి అంద‌జేయాల‌న్నారు.
బీమా ఇప్పించే బాధ్య‌త అధికారుల‌దే..
మేక‌లు, గొర్రెలు మ‌ర‌ణిస్తుంటే ప‌శుసంవర్ధ‌క‌శాఖ ఏం చేస్తుంద‌ని ప్ర‌శ్నించారు. ఎందుకు మ‌ర‌ణిస్తున్నాయి..? చ‌నిపోయిన ప‌శువుల‌కు బీమా ఉందా..? ఉంటే క్లెయిమ్స్ జ‌రుగుతున్నాయా లేదానే ప‌రిశీల‌న ఎందుకు జ‌ర‌గ‌డం లేద‌న్నారు. జేసీబీలు, ట్రాలీలను ఇరిగేషన్, పంచాయతీ రాజ్, ఆర్ అండ్ బీ పనులలో ఉప యోగించాలని సూచించారు.
Desk
swarna boddula
